Read Time:4 Minute, 13 Second
32 ރަށެއްގެ ކުނި މެނޭޖްކުރުމުގެ މަސައްކަތް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އާ ހަވާލުކޮށްފިއެވެ. ވެމްކޯއާ މި މަސައްކަތް ހަވާލުކުރުމަށް ޓަކައި މިނިސްޓްރީ އޮފް ޓޫރިޒަމް އެންޑް އެންވަޔަރަމެންޓްއާ ދެމެދު މިއަދު ވަނީ އެއްބަސްވުންތަކުގައި ސޮއިކޮށްފައެވެ. މިދިޔަ ފެބްރުއަރީ މަހުގެ ތެރޭގައި ވެސް 2 ރަށެއްގައި ކުންޏާއި ވަސީލަތްތައް މެނޭޖްކުރާ މަރުކަޒު ޤާއިމުކުުރުމުގެ މަސައްކަތް ވެމްކޯއާ ވަނީ ހަވާލުކޮށްފައެވެ.
މި ރަށްތަކުގެ މަސައްކަތްތައް މިއަހަރުގެ 3 ވަނަ ކުއާޓާގެ ނިޔަލަށް ނިންމުމަށް ވަނީ ހަމަޖެހިފައެވެ.
ކުނި މެނޭޖްކުރުމުގެ މަސައްކަތް ހަވާލުކުރި ރަށްތަކަކީ:
ހއ. ދިއްދޫ
ހއ. ހޯރަފުށި
ހއ. އިހަވަންދޫ
ހއ. ވަށަފަރު
ހދ. ކުޅުދުއްފުށިސިޓީ
ކ. ދިއްފުށި
ކ. ގާފަރު
ކ. ގުޅި
މ. މަޑުއްވަރީ
މ. ނާލާފުށި
މ. ރަތްމަންދޫ
މ. ވޭވަށް
ފ. ބިލެތްދޫ
ފ. ދަރަނބޫދޫ
ފ. ފީއަލި
ތ. ދިޔަމިގިލި
ތ. ގާދިއްފުށި
ތ. ހިރިލަންދޫ
ތ. ކަނޑޫދޫ
ތ. ވޭމަންޑޫ
ތ. ވިލުފުށި
ލ. ހިތާދޫ
ލ. އިސްދޫ
ލ. ކަލައިދޫ
ލ. ކުނަހަންދޫ
ލ. މާބައިދޫ
ލ. މާމެންދޫ
ލ. މާވަށް
ލ. މުންދޫ
ގދ. ތިނަދޫ ސިޓީީ
ޏ. ފުވައްމުލަށް ސިޓީ
ސ. ހުޅުމީދޫ
މިއަހަރުގެ ރިޔާސީ ބަޔާނުގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވަނީ މިއަހަރުގެ ނިމުމުގެ ކުރިން ރާއްޖޭގެ ހުރިހާ ރަށެއްގައި އެ ރަށަކަށް އެކަށޭނެ ކުނި މެނޭޖްކުރާނެ ނިޒާމާއި ވަސީލަތްތައް ޤާއިމުކޮށްދެއްވާނެ ކަމަށް ވިދާޅުވެފައެވެ.
މިނިސްޓްރީން ހަދާފައިވާ އެސެސްމަންޓްތަކުން ދައްކާ ގޮތުގައި ރައީސުލްޖުމްހޫރިއްޔާ އިއުލާނުކުރައްވާފައިވާ އަމާޒަށް ވާސިލްވުމަށް ޓަކައި 128 ރަށެއްގައި ކުނި މެނޭޖްކުރުމަށް ބޭނުންވާ އިންފްރާސްޓްރަކްޗަރ ޤާއިމުކުރުމަށް ނުވަތަ އަޕްގްރޭޑް ކުރަންޖެހެއެވެ. އަދި ވަރަށް ކައިރި މުސްތަޤްބަލެއްގައި ބާކީ ހުރި ރަށްތަކުގެ މަސައްކަތް ވެސް ސަރުކާރު ހިއްސާވާ އެހެން ކުންފުނިތައް ކަމަށްވާ ފެނަކަ، އެމްޓީސީސީ، އާރްޑީސީއާ ހަވާލުކުރުމުގެ މަސައްކަތް މިނިސްޓްރީން ކުރަމުންދާ ކަމަށް ވަނީ ވިދާޅުވެފައެވެ.
ރައްކާތެރި އަދި ދެމެހެއްޓެނެވި ގޮތެއްގައި ކުނި މެނޭޖްކުރުމުގެ ނިޒާމުތައް މުޅި ރާއްޖޭގައި ޤާއިމުކުރުމަކީ ރައީސުލްޖުމްހޫރިއްޔާ ވަރަށް ބޮޑު އިސްކަމެއް ދެއްވައިގެން ވަރަށް ގާތުން ބައްލަވަމުން ގެންދަވާ މަސައްކަތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0