Read Time:1 Minute, 53 Second
(ފޮޓޯ ކްރެޑިޓްސް: ޙާރިޖީ ވުޒާރާ)
ރާއްޖޭގެ މިނިވަން ދުވަހުގެ މުނާސަބަތުގައި އޮސްޓްރޭލިއާގެ ޚާއްސަ މަންދޫބު ޓިމް ވަޓްސް ރާއްޖެއަށް ކުރެއްވި ޒިޔާރަތުގައި، ދެ ގައުމުގެ ގުޅުން އިތުރަށް ބަދަހިކުރުމަށް ޚާރިޖީ ވަޒީރު އިރުތިޝާމް އާދަމްއާއެކު މުހިންމު މަޝްވަރާތަކެއް ބާއްވައިފިއެވެ. މި ބައްދަލުވުމުގައި މައިގަނޑު ގޮތެއްގައި ވާހަކަދެކެވުނީ ވިޔަފާރި، ފަތުރުވެރިކަން، ތައުލީމު، މޫސުމީ ބަދަލުތައް އަދި ކަނޑުގެ ސަލާމަތާއި ރައްކާތެރިކަން ކަށަވަރުކުރުމާ ގުޅޭގޮތުންނެވެ. ވަޒީރު އިރުތިޝާމް ވަނީ އޮސްޓްރޭލިއާއިން ރާއްޖެއަށް ފޯރުކޮށްދޭ އެހީތެރިކަމަށް ޝުކުރު އަދާކުރައްވައި، ދެ ގައުމުގެ ގުޅުން އިތުރަށް ހަރުދަނާކުރުމަށް ބޭނުންވާކަން ހާމަކުރައްވާފައެވެ. މި ގުޅުމުގެ ތެރެއިން އޮސްޓްރޭލިއާއިން ވަނީ ރާއްޖެއަށް މަނަވަރެއް ހަދިޔާކޮށް، ކަނޑުގެ ސަލާމަތާ ގުޅޭ އެއްބަސްވުމެއްގައި ސޮއިކޮށް، އަދި ދެ ގައުމުގެ ދެމެދުގައި ސީދާ ވައިގެ ދަތުރުފަތުރުގެ ޚިދުމަތްވެސް މިހާރު ވަނީ ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0