Read Time:2 Minute, 15 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޖަޕާނު ސަރުކާރުގެ އެހީގައި ވިލިމާލޭގައި ތަރައްގީކުރި ސިފައިންގެ މެރިޓައިމް ރެސްކިޔު ކޯޑިނޭޝަން ސެންޓަރު (އެމްއާރުސީސީ) ގެ އައު އިމާރާތް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ހުޅުއްވައިދެއްވައިފިއެވެ. މި މަރުކަޒަކީ ރާއްޖޭގެ ކަނޑާއި ވައިގެ ސަރަހައްދުގައި ހިނގާ ހާދިސާތައް ވިލަރެސްކޮށް، މީހުންގެ ފުރާނައާއި މުދާ ސަލާމަތްކުރުމަށް މަސައްކަތްކުރާ މައި ހަބެވެ.
ޒަމާނީ ވަސީލަތްތަކާއެކު ތަރައްގީކުރި މި އިމާރާތުގައި އޮޕަރޭޝަންސް ރޫމަކާއި، ތަމްރީނުތަކަށް ބޭނުންވާ ކްލާސްރޫމްތަކާއި އޮޑިޓޯރިއަމެއް ހިމެނެއެވެ. މި މަޝްރޫއު ކުރިއަށްގެންދިއުމުގައި ޔޫއެންއޯޑީސީ އާއި އޮސްޓްރޭލިއާ ސަރުކާރުގެ އެހީތެރިކަންވެސް ލިބިފައިވެއެވެ. 2006 ވަނަ އަހަރު ޚިދުމަތް ދޭން ފެށި މި މަރުކަޒުން ވޭތުވެދިޔަ 10 އަހަރުތެރޭ 3،700 އަށްވުރެ ގިނަ ހާދިސާގައި 8،000 އަށްވުރެ ގިނަ މީހުންގެ ފުރާނަ ސަލާމަތްކުރުމުގައި އެހީތެރިވެދީފައިވެއެވެ. މި އައު އިމާރާތާއެކު ކޯސްޓްގާޑުގެ ޤާބިލްކަން އިތުރުވެ، ރައްޔިތުންގެ ސަލާމަތާއި ރައްކާތެރިކަން ކަށަވަރުކުރުމަށް ކުރާ މަސައްކަތްތައް އިތުރަށް ހަރުދަނާވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0