Read Time:2 Minute, 1 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ދައުލަތުގެ މުވައްޒަފުންގެ މުސާރަ އެއްހަމަކުރުމަށް ކުރިއަށްގެންދާ “ޕޭ ހާމަނައިޒޭޝަން” މަސައްކަތުގެ 93 އިންސައްތަ ނިމިފައިވާކަމަށް މާލީ ވަޒީރު މޫސާ ޒަމީރު ހާމަކުރައްވައިފިއެވެ. ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވަޒީރު ވިދާޅުވީ، ބާކީ ހުރި 7 އިންސައްތަ މުވައްޒަފުންގެ މުސާރަ އެއްހަމަކުރުމުގެ މަސައްކަތް އަވަސްކުރުމަށް ރައީސުލްޖުމްހޫރިއްޔާ އިރުޝާދު ދެއްވާފައިވާ ކަމަށާއި، އެ މަސައްކަތް ވަރަށް އަވަހަށް ނިމޭނެ ކަމަށެވެ.
މި އައު ޕޭ ފްރޭމްވޯކުގެ ދަށުން 20،000 އަށްވުރެ ގިނަ މުވައްޒަފުންގެ މުސާރައަށް ހެޔޮ ބަދަލެއް އަންނާނެއެވެ. މި ނިޒާމަށް ބަދަލުވާއިރު އެއްވެސް މުވައްޒަފެއްގެ މުސާރަ ކުޑަވާނަމަ، “މައިގްރޭޝަން އެލަވަންސް” މެދުވެރިކޮށް އެބައި ހަމަޖައްސައިދޭނެ ކަމަށް މާލީ ވުޒާރާއިން ބުނެއެވެ. މި ބަދަލުގެ މައިގަނޑު މަގްސަދަކީ އިތުރުގަޑިއަށް ބަރޯސާވުން ކުޑަކޮށް، މަސައްކަތު ގަޑީގެ ބޭނުން ހެޔޮގޮތުގައި ހިފައި، މުވައްޒަފުންގެ ދިރިއުޅުމުގެ ފެންވަރު މަތިކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0