Read Time:2 Minute, 27 Second
ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ އެމަނިކުފާނު ގެންގުޅުއްވާ “ގައުމީ ފިކުރު” އާއި އިދިކޮޅު ފަރާތްތަކުގެ “ފަނާކުރަނިވި ފިކުރު” ހުރި ތަފާތުތައް ތަފްސީލުކޮށްދެއްވާފައެވެ. ރައީސް ވިދާޅުވި ގޮތުގައި ޕީއެންސީގެ ފިކުރަކީ އިސްލާމްދީން މަތިވެރިކޮށް، ގައުމުގެ މިނިވަންކަމާއި ހަމަޖެހުން ގާއިމްކޮށް، ރައްޔިތުންނަށް ތަރައްގީ އާއި ރައްކާތެރިކަން ކަށަވަރުކޮށްދިނުމެވެ. މީގެ އިތުރުން، މިހާރުގެ ހާރިޖީ ސިޔާސަތަކީ އިޒްރޭލު ފިޔަވައި ހުރިހާ ގައުމަކާ ގުޅުން ބަދަހިކޮށް، ދިވެހިންނަށް އެންމެ ފައިދާހުރި ގޮތަށް ކަންކަން ނިންމުންކަން އެމަނިކުފާނު ފާހަގަކުރެއްވިއެވެ.
ނިމިދިޔަ ސަރުކާރުތަކަށް ފާޑުވިދާޅުވަމުން ރައީސް ވިދާޅުވީ، މާޒީގައި ވަކި ގައުމެއްގެ ނުފޫޒުގެ ދަށުގައި ކަންކަން ހިނގާފައިވާ ކަމަށާއި، ބައެއް ގައުމުތަކާއި ޖަމާއަތްތަކާ ގުޅުން ކަނޑާލައި އެކަހެރިވެފައިވާ ކަމަށެވެ. އަދި “ފަނާކުރަނިވި ފިކުރު” ގެ ގޮތުގައި އެމަނިކުފާނު ސިފަކުރެއްވީ، އިޒްރޭލާ ގާތް ގުޅުމެއް ބޭއްވުމާއި، ދީނީ އިލްމުވެރިންގެ ބަހަށްވުރެ “އޯލްޓަނޭޓިވް ނެރޭޓިވް” ނުވަތަ ދީނާ ދުރު ސިޔާސަތުތަކަށް އިސްކަންދިނުމެވެ. ރައީސް މުއިއްޒު ޔަގީންކަން ދެއްވީ އެމަނިކުފާނުގެ ސަރުކާރު ކުރިއަށްދާނީ އިސްލާމީ އަގުތަކާއި ގައުމީ މަސްލަހަތު އިސްކޮށްގެން ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0