Read Time:1 Minute, 47 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖެއަށް ބޭނުންވާ ބޭހުގެ މިންވަރު ދުރާލާ ދެނެގަނެވިއްޖެނަމަ، މުއްދަތު ހަމަވެގެން އުކާލަންޖެހޭ ބޭހުގެ އަދަދު މަދުކުރެވޭނެ ކަމަށް ސްޓޭޓް ފާމަސޫޓިކަލްސްގެ މެނޭޖިންގ ޑިރެކްޓަރ ޑރ. ޝާހު މާހިރު ވިދާޅުވެއްޖެއެވެ. ރާއްޖޭގައި މިހާރު %10 އާއި %20 އާ ދެމެދުގެ ބޭސް އުކާލަންޖެހޭއިރު، ރަނގަޅަށް ފޯކާސްޓްކޮށްގެން އޯޑަރު ދިނުމުން ދިގު މުއްދަތެއް އޮތް ބޭސް ހޯދުމަށާއި އިސްރާފު ކުޑަކުރުމަށް މަގުފަހިވާނެއެވެ. ބޭސް އެތެރެކުރުމަށް ވަކި ކުންފުންޏެއް އުފެއްދުމަކީ ބޭހުގެ އަގު ކޮންޓްރޯލްކޮށް، އާސަންދައާއި ސިއްޙީ ދާއިރާގެ ބަޖެޓުން ބޭހަށް ކުރާ ބޮޑު ހޭދަ ކުޑަކުރުމަށް އެޅުނު މުހިއްމު ފިޔަވަޅެކެވެ. މީގެ އިތުރުން ސިއްޙީ ޚިދުމަތްދޭ ފަރާތްތަކާ ގުޅިގެން މަސައްކަތް ކުރުމުން އަސާސީ ބޭސްތައް ހުސްނުވެ ލިބޭނެ އިންތިޒާމު ހަމަޖެހި، ބޭސް ނުލިބުމުގެ ޒަމާންވީ މައްސަލައަށް ދާއިމީ ހައްލެއް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0