Read Time:2 Minute, 2 Second
(ފޮޓޯ ކްރެޑިޓްސް: ބީއެމްއެލް)
ބޭންކް އޮފް މޯލްޑިވްސްއިން ރާއްޖޭގެ ސަފާރީ ނުވަތަ ލިވްއެބޯޑް ދާއިރާއަށް ޚާއްޞަކޮށްގެން “ލިވަބޯޑް ފައިނޭންސް” ތައާރަފުކޮށްފިއެވެ. މި ފެސިލިޓީއަކީ އުޅަނދު ގަތުމަށާއި، ބަނުމަށާއި، މަރާމާތުކުރުމުގެ އިތުރުން އިންޖީނާއި އެކި ސާމާނު ހޯދުމަށް ދޫކުރާ ލޯނެކެވެ. އަހަރަކު 9.5 އިންސައްތައިގެ ކުޑަ އިންޓްރެސްޓް ރޭޓެއްގައި ދޫކުރާ މި ލޯނަށް ރަހުނެއްގެ ގޮތުގައި ބޭނުންވަނީ ހަމައެކަނި ފައިނޭންސްކުރާ އުޅަނދެވެ.
މި ލޯނު އަނބުރާ ދެއްކުމަށް 7 އަހަރުގެ މުއްދަތެއް ލިބޭއިރު، ފައިސާ ދެއްކުން ހަމަޖައްސާފައިވަނީ މި ދާއިރާގެ އާމްދަނީ ލިބޭ މިންވަރަށް ބަލައި ޕީކް އަދި އޮފް-ޕީކް ސީޒަނަށް ބަހާލައިގެން ޑޮލަރުންނެވެ. ބީއެމްއެލްގެ ސީއީއޯ މުހައްމަދު ޝަރީފް ވިދާޅުވި ގޮތުގައި މިއީ ލިވްއެބޯޑް އޮޕަރޭޓަރުންނަށް ވިޔަފާރި ފުޅާކުރުމަށް ލިބޭ ބޮޑު ލުޔެކެވެ. މި ފެސިލިޓީގެ ސަބަބުން މި ދާއިރާގައި ހަރަކާތްތެރިވާ ފަރާތްތަކަށާއި އަލަށް ދާއިރާއަށް ވަންނަ ފަރާތްތަކަށް ބޭނުންވާ މާލީ އެހީތެރިކަން ފަސޭހަކަމާއެކު ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0