Read Time:1 Minute, 51 Second
ޖޫން 15 އިން ޖުލައި 7 އަށް ބާއްވާ އދ. ގެ އިންސާނީ ހައްގުތަކާ ބެހޭ މަޖިލީހުގެ ސެޝަންގައި، ފަލަސްތީނުގެ ހައްގުގައި ރާއްޖެއިން ވަރުގަދައަށް ވަކާލާތު ކުރާނެ ކަމަށް ޚާރިޖީ ވުޒާރާއިން ހާމަކޮށްފިއެވެ. ޑރ. ސަލްމާ ރަޝީދު އިސްކޮށް ހުންނަވާ ދިވެހި ވަފުދުން މި ބައްދަލުވުންތަކުގައި ބައިވެރިވެ، އިސްރާއީލުން ފަލަސްތީނުގައި ހިންގާ ލާއިންސާނީ އަމަލުތަކާއި ޣައްޒާގެ ރައްޔިތުން އުފުލަމުންދާ ތަކުލީފުތަކާ ގުޅޭގޮތުން ބަޔާންތައް ދިނުމަށް ވަނީ ހަމަޖެހިފައެވެ. މީގެ އިތުރުން، ރާއްޖެއަކީ ފަނޑިޔާރުންނާއި ވަކީލުންގެ މިނިވަންކަމަށް މަސައްކަތްކުރާ ކޯ-ގްރޫޕުގެ މެންބަރަކަށްވާތީ، ވަކީލުންގެ މިނިވަންކަމާ ގުޅޭ ގަރާރެއް ވެސް މި ސެޝަނަށް ހުށަހަޅާނެއެވެ. މި މަސައްކަތްތަކުގެ މައިގަނޑު ބޭނުމަކީ ދުނިޔޭގެ އިންސާނީ ހައްގުތައް ހިމާޔަތްކުރުމުގައި ރާއްޖޭގެ ސިޔާސަތުތައް ހާމަކޮށް، އެ ހައްގުތަކަށް އަރައިގަންނަ ހާލަތްތަކުގައި ބައިނަލްއަގުވާމީ މައިދާނުގައި އަޑުއުފުލުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0