Read Time:2 Minute, 16 Second
(ފޮޓޯ ކްރެޑީޓްސް: ރައީސް އޮފީސް)
ދިވެހިންގެ ހުނަރު ބައިނަލްއަޤްވާމީ މާކެޓަށް ވިއްކައިގެން ޑޮލަރުން އާމްދަނީ ހޯދުމަށް އޮތް އެންމެ ބޮޑު ހުރަހަކީ ޕޭޕަލް މެދުވެރިކޮށް ރާއްޖެއަށް ފައިސާ ލިބޭނެ ގޮތެއް ނެތުމެވެ. ނަމަވެސް، މި ސަރުކާރުން އިސްނަގައިގެން ކުރި މަސައްކަތްތަކާއި، އުރީދޫ މޯލްޑިވްސްއިން ތިން އަހަރު ވަންދެން ކުރި ފަންނީ މަސައްކަތުގެ ނަތީޖާއެއްގެ ގޮތުން، މިހާރު ވަނީ އުރީދޫ ‘އެމްފައިސާ’ މެދުވެރިކޮށް ޕޭޕަލްގެ އިންވާޑް ރެމިޓެންސް (ބޭރުން ފައިސާ ލިބޭ) ޚިދުމަތް ރާއްޖެއަށް ތަޢާރަފްކޮށްފައެވެ.
މި ޚިދުމަތް ހޯދުމަށްޓަކައި އެމްފައިސާ އެކައުންޓެއް ހުޅުވައި، ޕޭޕަލް އެކައުންޓާ ގުޅާލުމުން، ބޭރުގެ ކަސްޓަމަރުން ފޮނުވާ ފައިސާ އެމްފައިސާ ވޮލެޓަށް ލިބޭނެއެވެ. އަދި އެ ފައިސާ ވަގުތުން ބޭންކް އެކައުންޓަށް ބަދަލުކޮށް އޭޓީއެމް މެދުވެރިކޮށް ނެގޭނެ އިންތިޒާމުވެސް ވަނީ ހަމަޖެހިފައެވެ. މިއީ ފްރީލާންސަރުންނާއި ކުދި ވިޔަފާރިތަކަށް ބައިނަލްއަޤްވާމީ މައިދާނުގައި ކުރިއަށްދިއުމަށް ހުޅުވިގެންދިޔަ ބޮޑު ފުރުޞަތެކެވެ. ސަރުކާރުގެ އަމާޒަކީ މިފަދަ އިތުރު ޑިޖިޓަލް ވަސީލަތްތައް މެދުވެރިކޮށް ރާއްޖޭގެ އިޤްތިޞާދު ބައިނަލްއަޤްވާމީ މާކެޓާ ގުޅާލުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0