Read Time:2 Minute, 35 Second
(ފޮޓޯ ކްރެޑިޓްސް: ރައީސް އޮފީސް)
ހިޖުރީ އައު އަހަރުގެ މުނާސަބަތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވި ޚިޠާބުގައި، އެންމެ މުހިންމު ކަމެއްގެ ގޮތުގައި ފާހަގަކުރެއްވީ ސިޔާސީ އަދި އިޖުތިމާޢީ ޚިޔާލުތަފާތުވުންތައް އެއްކިބާކޮށް ޤައުމީ މަޞްލަޙަތު އިސްކުރުމަށެވެ. މާތް ނަބިއްޔާގެ ހިޖުރައިގެ ހާދިސާއިން ކެތްތެރިކަމާއި ސާބިތުކަން ދަސްކޮށްދޭކަން ފާހަގަކުރައްވައި، މަދީނާގެ އަންޞާރީންނާއި މުހާޖިރުންގެ މެދުގައި އޮތް ފަދަ އެކުވެރިކަމާއި އޯގާތެރިކަން ދިވެހި މުޖުތަމަޢުގައި ދިރުވުމަށް އެމަނިކުފާނު ގޮވާލެއްވިއެވެ.
ރައީސުލްޖުމްހޫރިއްޔާ އިތުރަށް ވިދާޅުވީ، ސަރުކާރުގެ އަމާޒަކީ އިސްލާމީ ޢަޤީދާ އާއި ދިވެހިވަންތަ އަޚުލާޤުގެ މަތީގައި ބިނާވެފައިވާ، ދީނާއި ޤައުމަށް ވަފާތެރި ޖީލެއް ބިނާކުރުން ކަމަށެވެ. އަދި އިޤްތިޞާދު އާރާސްތުކޮށް އިޖުތިމާޢީ ގުޅުންތައް ވަރުގަދަކުރުމަށް މަސައްކަތްކުރުމަށާއި، ދުނިޔޭގެ އެކި ކަންކޮޅުތަކުގައި، ޚާއްޞަކޮށް ފަލަސްޠީނުގައި އަނިޔާ ލިބެމުންދާ މުސްލިމުންނަށް ހެޔޮ ދުޢާކުރުމަށް އެމަނިކުފާނު ހަނދުމަފުޅުކޮށްދެއްވިއެވެ. މީގެ އިތުރުން، މި ފެށޭ އަހަރަކީ ރާއްޖެ އިސްލާމްވިތާ 900 އަހަރު ފުރޭ އަހަރުކަން ފާހަގަކުރައްވައި، އެމަނިކުފާނާއި އެމަނިކުފާނުގެ އަނބިކަނބަލުން ވަނީ ދިވެހި ރައްޔިތުންނަށް ބަރަކާތްތެރި އަހަރަކަށް އެދިވަޑައިގެންފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0