Read Time:2 Minute, 36 Second
(ފޮޓޯ ކްރެޑިޓްސް: ރައީސް އޮފީސް)
ޕާކިސްތާނާއި ރާއްޖޭގެ މަސްހަލަތު ހިމެނޭ ދާއިރާތަކުން ގުޅުން ބަދަހުކުރުމަށް މަސައްކަތް ކުރައްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއެވެ. ރައީސް މިހެން ވިދާޅުވީ “ޕާކިސްތާން ޑޭ” ގެ މުނާސަބަތުގައި އެ ގައުމުގެ ރައީސް އާސިފް އަލީ ޒަރްދާރީއަށާއި ބޮޑުވަޒީރު، މުހައްމަދު ޝެހްބާޒް ޝަރީފަށް، ދިވެހި ސަރުކާރާއި ރައްޔިތުންގެ ނަމުގައި، ތަހުނިޔާ އާއި ހެޔޮއެދުން ވެދުންކޮށް ފޮނުއްވި ސިޓީފުޅުގައެވެ.
ޕާކިސްތާނުގެ ރައީސަށާއި ބޮޑުވަޒީރަށް ވަކިވަކިން ފޮނުންވި ސިޓީފުޅުގައި ރައީސް ވަނީ، ދެ ގައުމުގެ ޒަމާންވީ އަހްވަންތަ ގުޅުމުގެ މައްޗަށް އަލިއަޅުއްވާލައްވައި، ދެ ގައުމުގެ މަސްލަހަތު ހިމެނޭ ދާއިރާތަކުން ގުޅުން އިތުރަށް ހަރުދަނާކުރެއްވުމަށް މަސައްކަތްކުރައްވާނޭކަމުގެ ޔަގަންކަން ދެއްވާފައެވެ. މީގެ އިތުރުން، ޕާކިސްތާނުގެ ރައީސާއި ބޮޑުވަޒީރަށް ފުރިހަމަ ސިއްހަތާއި އުފާވެރިކަމަށް އެދިވަޑައިގެން، އެ ގައުމުގެ ރައްޔިތުންނަށް ތަރައްގީއާއި ކުރިއެރުން މިންވަރުކުރެއްވުމަށް އެމަނިކުފާނު ސިޓީފުޅުގައި އެދިވަޑައިގެންފައިވެއެވެ. “ޕާކިސްތާން ޑޭ” ފާހަގަކުރަނީ، އެ ގައުމުން އިސްލާމީ ޖުމްހޫރިއްޔަތަކަށް ވާސިލުވުމަށް ކުރި ދަތުރުގެ ތެރެއިން، ފުރަތަމަ ފަހަރަށް ގާނޫނު އަސާސީ އެއް ފާސްކޮށް އަމަލުކުރަން ފެށުން އިހުތިފާލުކުރުމުގެ ގޮތުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0