Read Time:2 Minute, 11 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޤައުމުގެ މިނިވަންކަން ދެމެހެއްޓުމަށްޓަކައި ކޮންމެ ދިވެހި ރައްޔިތެއްގެ ކިބައިގައިވެސް ނަޒާހަތްތެރިކަމާއި، އަމާނާތްތެރިކަމާއި، ވަފާތެރިކަން ފަދަ ރިވެތި ސިފަތައް އަށަގެންނެވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބާރުއަޅުއްވައިފިއެވެ. މިނިވަންދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، ދައުލަތަށް ގިނަދުވަހު ޚިދުމަތްކުރެއްވި ބޭފުޅުންނަކީ މިފަދަ މަތިވެރި ސިފަތަކެއްގެ ނަމޫނާ ދެއްކެވި ބޭފުޅުން ކަމަށާއި، ތާރީޚަށް ބަލާއިރު ރާއްޖޭގެ މިނިވަންކަން ގެއްލިފައިވަނީ މި ސިފަތައް ނެތް ބައެއްގެ ސަބަބުން ކަމަށެވެ. މީގެއިތުރުން އިސްލާމްދީނާއި، ދިވެހިބަހާއި، ސަގާފަތް ދިރުވައި އާލާކޮށް، އަމިއްލަ ނަފުސަށްވުރެ ޤައުމު އިސްކުރުމުގެ މުހިންމުކަން އެމަނިކުފާނު ފާހަގަކުރެއްވިއެވެ. އަދި ހަގީގީ މިނިވަންކަމަކީ ސިޔާސީ، އިގްތިސާދީ، އަދި އިޖުތިމާޢީ ދާއިރާއިން ލިބޭ މިނިވަންކަން ކަމަށް ވިދާޅުވެ، ސަރުކާރުގެ ޚާރިޖީ ސިޔާސަތުގައި އަބަދުވެސް އިސްކަންދެއްވާނީ ދިވެހި ރައްޔިތުންގެ މަތިވެރި މަސްލަހަތަށްކަމުގެ ޔަގީންކަން ރައީސް ދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0