Read Time:1 Minute, 57 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އިންޑިއާއާއި ޕާކިސްތާނުގެ ނުތަނަވަސްކަމާ ހުރެ ސާކްގެ މަސައްކަތްތައް ހުއްޓިފައިވާތީ، އެ މައްސަލަ ހައްލުކޮށް ސާކް އަލުން ހިންގުމަށް މެދުވެރިއެއްގެ ދައުރު އަދާކުރަން ރާއްޖެ ތައްޔާރަށް އޮތްކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. މިނިވަން ދުވަހުގެ ޖަލްސާގައި ރައީސް ފާހަގަކުރެއްވި ގޮތުގައި، ސަރަހައްދީ ސުލްހައާއި ތަރައްޤީއަށްޓަކައި ޚިޔާލުތަފާތުވުންތައް އެއްކައިރިކޮށް މަޝްވަރާގެ މޭޒަށް އައުން މުހިންމެވެ. މީގެއިތުރުން، ރާއްޖޭގެ ޚާރިޖީ ސިޔާސަތަކީ އިސްލާމީ އަދި އަރަބި ޤައުމުތަކާ ގާތް ގުޅުމެއް ބޭއްވުން ކަމަށާއި، ފަލަސްތީނުގެ ރައްޔިތުންނަށް ދެމުންދާ އަނިޔާތަކާ ދެކޮޅަށް ރާއްޖެއިން އަބަދުވެސް ވަކާލާތުކުރާނެ ކަމަށް ރައީސް ވިދާޅުވިއެވެ. އަދި އިސްރާއީލް ފިޔަވައި އެހެން ހުރިހާ ޤައުމުތަކާ ގުޅުން ބާއްވާނެ ކަމަށާއި، އިސްރާއީލް ޕާސްޕޯޓް މަނާކުރުމުގެ ނިންމުމުގައި ސާބިތުވެ ތިބޭނެކަމަށްވެސް އެމަނިކުފާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0