Read Time:2 Minute, 24 Second
ރާއްޖެއަށް ބޭސް އެތެރެކުރުމާއި، ގުދަންކުރުމާއި، ވިއްކުމާ ގުޅޭ އާ ގަވާއިދެއް އެކުލަވާލައި، އެ ގަވާއިދާ ހިލާފުވާ ފަރާތްތައް އެއްލައްކަ ރުފިޔާއާ ހަމައަށް ޖޫރިމަނާކޮށް ލައިސަންސް ހިފެހެއްޓޭ ގޮތަށް ހަމަޖައްސައިފިއެވެ. މި ގަވާއިދުގެ ދަށުން، ރާއްޖޭގައި ބޭނުންކުރާ ބޭސްތަކުގެ ރަޖިސްޓްރީއެއް 30 ދުވަހުގެ ތެރޭގައި އެމްއެފްޑީއޭއިން އެކުލަވާލަން ޖެހޭނެއެވެ. އަދި ބޭސް އުފައްދާ ފަރާތްތަކުން ފެށިގެން ފާމަސީތަކާ ހަމައަށް ހުރިހާ ފަރާތްތަކަކުން އެމްއެފްޑީއޭގައި ރަޖިސްޓްރީވެ، ހާއްސަ ހުއްދަ ހޯދުން ވަނީ މަޖުބޫރުކޮށްފައެވެ.
ކޮންޓްރޯލްޑް ޑްރަގްސް އެތެރެކޮށް ވިއްކޭނީ ހާއްސަ ހުއްދައެއްގެ ދަށުން ކަމަށްވާއިރު، ރަޖިސްޓްރީ ނުކުރާ ބޭސް އެތެރެކުރުމަކީ މަނާކަމެކެވެ. ގަވާއިދާ ހިލާފުވާ ފަރާތްތަކަށް ނަސޭހަތް ދިނުމާއި، 10،000 އާއި 100،000 ރުފިޔާއާ ދެމެދުގެ އަދަދަކުން ޖޫރިމަނާ ކުރުމުގެ އިތުރުން، ހުއްދަ ވަގުތީގޮތުން ހިފެހެއްޓުމާއި ބްލެކްލިސްޓު ކުރުން ފަދަ ފިޔަވަޅުތައް އެޅޭނެއެވެ. އަމިއްލަ ބޭނުމަށް ބޭސް އެތެރެކުރާ ފަރާތްތަކަށް މެޑިކަލް ރިކޯޑާއެކު ގިނަވެގެން 6 މަސް ދުވަހުގެ ބޭސް އެތެރެކުރުމުގެ ފުރުސަތު އޮންނާނެއެވެ. މި ގަވާއިދަށް އަމަލުކުރަން ފަށާނީ ގެޒެޓްކުރާ ތާރީޚުން ފެށިގެން 90 ދުވަސް ހަމަވުމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0