Read Time:3 Minute, 12 Second
(ފޮޓޯ ކްރެޑިޓްސް: ވަގުތު)
ހދ. އަދި ތ. އަތޮޅުގައި އިތުރު ރިސޯޓްތައް ތަރައްޤީ ކުރުމަށް އަންނަ މަހު ހުޅުވާލަން ނިންމައިފިއެވެ. މިކަން އިއުލާން ކުރައްވާފައި ވަނީ ފަތުރުވެރިކަމާއި ތިމާވެށްޓާއި ބެހޭ ވަޒީރު ޠާރިޤް އިބްރާހީމް ޕީއެސްއެމް ނިއުސްގެ ރާއްޖެމިއަދު ޕްރޮގްރާމްގައި ވާހަކަފުޅު ދައްކަވަމުންނެވެ. ވަޒީރު ވިދާޅުވީ، ހދ. އަތޮޅާއި ތ. އަތޮޅުގައި މިވަގުތު ހިނގަމުންދަނީ މަދު ރިސޯޓެއް ކަމަށާއި އެހެންކަމުން މި ދެ އަތޮޅުގައި އިތުރު ރިސޯޓްތައް ތަރައްޤީކުރުމަށް އަންނަ މަހުން ހުޅުވާލާނެކަމަށެވެ.
“މިކަމުގެ ސަބަބުން އިންވެސްޓްމަންޓްތަކަށް ފަހި މާހައުލެއް އެތޮޅުތަކުގެ ތެރެއިން ހުޅުވިގެން ދިއުމަކީ އިތުރު އިންވެސްޓަރުން އަންނާނެ ކަމެއް” ވަޒީރު ވިދާޅުވިއެވެ. ވަޒީރު ވިދާޅުވި ގޮތުގައި، ރާއްޖޭގެ ފަތުރުވެރިކަމަށް 53 އަހަރު ފުރިފައިވާއިރު، ފަތުރުވެރިކަން ރާއްޖޭގެ ހުރިހާ އަތޮޅުތަކަށް އެންމެ އެދެވޭ މިންވަރަށް ފުޅާވެފައި ނުވާތީ، މިކަމަށް ހައްލުތަކެއް ހޯދުމަށް ސަރުކާރުން ދަނީ މަސައްކަތް ކުރައްވަމުންނެވެ. އެގޮތުން ކޮންމެ އަތޮޅަކަށް ވަކިން މާސްޓަރ ޕްލޭން ހަދައި އެ އަތޮޅެއްގައި ފަތުރުވެރިކަން ތަރައްޤީކުރުމަށް މާރކެޓިންގެ ޕްލޭނެއް ވެސް އެކުލަވާލުވުމުގެ މަސައްކަތް ކުރައްވަމުން ދާކަން ވަނީ ފާހަގަ ކުރައްވާފައެވެ.
ވަޒީރު އިތުރަށް ވިދާޅުވީ، އަލަށް އިސްލާހު ގެނެވުނު ޓޫރިޒަމް ގާނޫނަކީ ޓޫއަރިޒަމް ދާއިރާ ކުރިއަށް އޮތްތަނުގައި ފުޅާވެ ރާއްޖެ އަންނަ ފަތުރުވެރިން އިތުރު ކުރުމަށް އެޅޭ އިތުރުބާރަކަށް ވެގެންދާނެކަމަށެވެ. ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ފަތުރުވެރިކަމުގެ ދާއިރާ ކުރިއެރުވުމަށް ގެންދަވަނީ ގިނަގުނަ މަސައްކަތް ތަކެއް ކުރައްވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0