Read Time:2 Minute, 51 Second
(ފޮޓޯ ކްރެޑިޓްސް: ރައީސް އޮފީސް)
ތެލަސީމިއާ ސެންޓަރުގެ ހިދުމަތްތަކާ މެދު ތެލެސީމިއާ ޕޭޝަންޓުންނާއި އާއިލާތަކުން ފާޅުކުރި ކަންބޮޑުވުންތަކާއި ގުޅިގެން ރައީސް ޑރ. މުހައްމަދު މުޢިއްޒު މިއަދު ތެލެސީމިއާ ސެންޓަރަށް ވަޑައިގަންނަވައިފިއެވެ. މޯލްޑިވްސް ބްލަޑް ސާވިސް (އެމްބީއެސް)ގެ ވެރިންގެ އިސްތިއުފާއަށް ގޮވާލައި، ތެލަސީމިއާ ސެންޓަރުގައި އެ ބައްޔަށް ފަރުވާ ހޯދާ މީހުންނާއި އާއިލާތައް ރޭ ވަނީ މުޒާހަރާކޮށްފައެވެ. މިމައްސަލަ ބޮޑުވެ، މުޒާހަރާ ކުރިތާ 24 ގަޑިއިރު ވެސް ނުވަނީސް ރައީސް ވަނީ އެތަނަށް ވަޑައިގެންފައެވެ.
ރައީސް އެތަނަށް ވަޑައިގެންފައިވަނީ މިއަދު ހެނދުނުގެ ވަގުތެއްގައެވެ. އެގޮތުން އެތަނަށް ވަޑައިގެން، އެތަނުގައި މިވަގުތު ހުރި މައްސަލަތަކުގެ މައުލުމާތު ރައީސް ވަނީ އޮޅުންފިލުއްވާފައެވެ.
(ފޮޓޯ ކްރެޑިޓްސް: ރައީސް އޮފީސް)
ރައީސްގެ އަރިހުގައި ހެލްތު މިނިސްޓަރު އަބްދުﷲ ނާޒިމް އިބްރާހިމާއި ފިނޭންސް މިނިސްޓަރު މޫސާ ޒަމީރު ވެސް ތެލަސީމިއާ ސެންޓަރަށް ވަޑައިގެންނެވިއެވެ. ތެލަސީމިއާ ޕޭޝަންޓުންނާއި، އެ މީހުންގެ އާއިލާތަކުން މުޒާހަރާ ކުރީ ތެލަސީމިއާ ސެންޓަރުގައި ބޭނުންކުރާ ފިލްޓަރުތައް ހަލާކުވެ، ލޭ ޕެކެޓުތަކުން އިސްރާފުވާ މިންވަރު އިތުރުވާތީ ކަމަށް ބުނެއެވެ. ރަށްރަށުގައި ވެސް އެ މައްސަލަ އަންނަނީ މެދުވެރިވަމުންނެވެ.
އެމްބީއެސްގެ ޕަބްލިކް ހެލްތު ކޯޑިނެޓާ ފައިސަލް އިބްރާހީމާއި ހެލްތު މިނިސްޓްރީގެ ސްޓޭޓް އައިމިނަތު ޝިރުނާގެ އިސްތިއުފާއަށް ވެސް މުޒާހަރާގެ ބައިވެރިން ގޮވާލިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0