Read Time:2 Minute, 58 Second
(ފޮޓޯ ކްރެޑިޓްސް: ވަގުތު)
އިމިގްރޭޝަން ކޮންޓްރޯލަރުގެ މަގާމުން ވަކި ކުރި ޝައްމާން ވަހީދު ދިރިއުޅެމުންދާ ގެ ބަލައިފާސްކުރިއިރު، އެގެއިން ގިނަ އަދަދެއްގެ ފައިސާ ފުލުހުން ހޯދައިފިއެވެ. އޭނާ މަގާމުން ވަކި ކުރީ އިއްޔެއެވެ. ރޭ ފުލުހުން ވަނީ އިމިގްރޭޝަންގެ މުވައްޒަފުންތަކެއް މަގާމުގެ ނުފޫޒު ނާޖާއިޒު ގޮތުގައި ހިފުމުގެ މައްސަލައެއް ތަހުގީގުކުރަމުންދާ ކަމަށް ވިދާޅުވެފައެވެ. މި މައްސަލައާ ގުޅިގެން ފުލުހުން ވަނީ ޝައްމާންގެ ގެ ބަލައިފާސްކޮށް، ގިނަ އަދަދެއްގެ ފައިސާ ގެންގޮސްފައެވެ. އެހެން ނަމަވެސް ފުލުހުންނަށް އެގެއިން ފެނުނީ ކިހާ ފައިސާއެއް ކަމެއް ނޭނގެއެވެ.
ފުލުހުން ނެރުނު ބަޔާނެއްގައި ވިދާޅުވީ، އިމިގްރޭޝަންގެ ބައެއް މުވައްޒަފުން، މަގާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދަމުންދާ ކަމަށް މައުލޫމާތު ލިބުމުން އެ މައްސަލަ ތަހުގީގުކުރަމުންދާ ކަމަށެވެ. މި މައްސަލައާ ގުޅިގެން ހިންގި އޮޕްރޭޝަނެއްގައި ގެއެއް ބަލައި ފާސްކޮށް 3 މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށްވެސް ފުލުުހުން ވިދާޅުވިއެވެ. އިމިގްރޭޝަނުގައި 14 އަހަރު މަސައްކަތް ކުރެއްވި ޝައްމާނަށް އިމިގްރޭޝަން ކޮންޓްރޯލަރުކަން ދެއްވީ މި ސަރުކާރު ވެރިކަމަށް އައިސް ނޮވެމްބަރު 19، 2023ވަނަ ދުވަހުގައެވެ.
އޭރު އޭނާ ހުރީ އިމިގްރޭޝަންގެ އޮފިސަރުކަމުން ވަކިކޮށްފައެވެ. ނަމަވެސް 2022 ގައި ވަޒީފާއާ ބެހޭ ޓްރައިބިއުނަލުން އޮތީ ޝަމްއާން ވަޒީފާ އިން ވަކިކުރީ ގާނޫނާ ހިލާފަށް ކަމަށް ނިންމައި، އަލުން ވަޒީފާ ރުޖޫއަކޮށްދިނުމަށް އަންގައިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0