Read Time:2 Minute, 12 Second
(ފޮޓޯ ކްރެޑިޓްސް: ވަގުތު)
ސްޓެލްކޯއަށް މިދިޔަ އަހަރު 138 މިލިއަން ރުފިޔާގެ ފައިދާއެއް ލިބިފައިވާ ކަމަށް އެ ކުންފުނީގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވެއްޖެއެވެ. އެކްސްގައި ކުރެއްވި ޕޯސްޓެއްގައި ފަހުމީ އިއްޔެ ވަނީ މިދިޔަ ހަތް އަހަރު އެ ކުންފުނީގެ މާލީ ހިސާބުތައް އާންމުކުރައްވާފައެވެ. އެ ހިސާބުތައް ދައްކާ ގޮތުން 2023 ވަނަ އަހަރު އެ ކުންފުންޏަށް 172 މިލިއަން ރުފިޔާގެ ގެއްލުންވިއެވެ. ނަމަވެސް މިދިޔަ އަހަރު އެ ގެއްލުމުން އަރައިގަނެ، 138 މިލިއަން ރުފިޔާގެ ފައިދާއެއް ވަނީ ހޯދައިފައެވެ. މިއީ މިދިޔަ ހަ އަހަރު ތެރޭ އެ ކުންފުންޏަށް ލިބުނު އެންމެ ބޮޑު ފައިދާ ކަމަށްވެސް ތަފާސް ހިސާބުތަކުން ދައްކައެވެ.
ފަހުމީ ހާމަކުރެއްވި ހިސާބުތައް:
2018 ވަނަ އަހަރު: 105 މިލިއަން ރުފިޔާ
2019 ވަނަ އަހަރު: 109 މިލިއަން ރުފިޔާ
2020 ވަނަ އަހަރު: 130 މިލިއަން ރުފިޔާ
2021 ވަނަ އަހަރު: 105 މިލިއަން ރުފިޔާ
2022 ވަނަ އަހަރު: 107 މިލިއަން ރުފިޔާ
ގެއްލުމުން އަރައިގަނެ މިދިޔަ އަހަރު ކުންފުނިން ފައިދާ ހޯދީ ވަސީލަތްތައް ހަރުދަނާގޮތުގައި ބޭނުންކުރުމާއި އިސްރާފު ކުޑަކުރުން އަދި ހިންގުމުގެ ނިޒާމު ހަރުދަނާކޮށްގެން ކަމަށްވެސް ފަހުމީ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0