Read Time:2 Minute, 35 Second
މާލޭ ސިޓީގައި ގޮވާމުން ފިތުރުޒަކާތް ބަލައިގަތުމަށް ހަމަޖެހިފައިވާ ތަން އިސްކަންދަރު ސްކޫލަށް ބަދަލުކޮށްފިއެވެ. ޒަކާތް ހައުސްއިން ވިދާޅުވީ އެހެން އަހަރުތަކެކޭ ވެސް އެއްފަދައިން މި އަހަރުވެސް ގޮވާމުގެ ބާވަތްތަކުން ފިތުރު ޒަކާތް ދެއްކުމަށް ބޭނުންފުޅުވާ ފަރާތްތަކަށް އެ ފުރުސަތު، މި މަހުގެ 22 ވާ ހޮނިހިރު ދުވަހުން ފެށިގެން، 27 ވާ ބުރާސްފަތި ދުވަހުގެ ނިޔަލަށް ހުޅުވާލާފައިވާ ކަމަށެވެ.
ކުރިން ގޮވާމުން ޒަކާތް ބަލައިގަތުމަށް ހަމަޖެހިފައިވަނީ މަޖީދިއްޔާ ސްކޫލުގެ ޞަލާހުއްދީން ހޯލުގައި ކަމަށާއި ނަމަވެސް މިހާރުވަނީ އިސްކަންދަރު ސްކޫލަށްބަދަލުކުރެވިފައި ކަމަށް ވިދާޅުވިއެވެ. އެގޮތުން 13:00 ން 16:00 ޒަކާތް ބަލައިގަތުން ކުރިއަށް ގެންދެވޭނެ ކަމަށެވެ. ފިތުރުޒަކާތުގެ ގޮތުގައި ދައްކާނީ އެބަޔަކު އާންމު ގޮތެއްގައި އަހަރުތެރޭ ކެއުމަށް ބޭނުންކުރާ ގޮވާމުގެ ބާވަތަކުން ބޮލަކަށް، 2.4 ކިލޯގެ މިންވަރެވެ.
ފިތުރު ޒަކާތުގެ ގޮތުގައި ބަލައިގަންނަ ތަކެތި:
- – އާދައިގެ ހަނޑޫ
- – ތައިލެންޑް ހަނޑޫ
- – ބާސްމަތީ ހަނޑޫ
- – ރަތް ހަނޑޫ
- – ގޮދަން ފުށް
- – އާޓާ ފުށް
އަތޮޅުތެރޭގައި ގޮވާމުން ފިތުރުޒަކާތް ބަލައިގަތުން އެ ރަށެއްގެ ކައުންސިލް އިދާރާއިން ހަމަޖައްސާ ގޮތެއްގެ މަތިން ބަލައިގަނެ ފަގީރުންނާއި މިސްކީނުންގެ ދަފްތަރުގައިވާ ފަރާތްތަކަށް ބެހުމަށް ވާނީ ހުއްދަދީފައި ކަމަށް ޒަކާތް ހައުސްއިމް ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0