Read Time:2 Minute, 54 Second
(ފޮޓޯ ކްރެޑިޓްސް: ވަގުތު)
މުޖުތަމައުގައި ޚާއްސަ އަޅައިލުމާ ލޯބި ބޭނުންވާ މީހުންނަށް ޚިދުމަތްދޭނީ އަތުގުޅާލައިގެން ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢއްޒު ވިދާޅުވެއްޖެއެވެ. ރައީސް މިގޮތަށް ވިދާޅުވީ މިއަދު ފާހަގަކުރާ ދުނިޔޭގެ ޑައުން ސިންޑްރޯމް ދުވަހާއި ގުޅިގެން ހިއްސާ ކުރެއްވި ޕޯސްޓެއްގައެވެ. ރައީސް ވިދާޅުވީ އޯގާތެރިކަމާއި އެހީތެރިކަމުގައި ދިވެހިންނަކީ ލާމަސީލު ނަމޫނާއެއް ކަމަށެވެ. މުޖުތަމައުގައި ޚާއްސަ އަޅަލައިލުމާއި ލޯބި ބޭނުންވާ ހަމަ ކޮންމެ ކުއްޖަކާ އާއިލާއަކަށް ހޭހަންކޮށްދިނުމުގައި ވެސް ސަރުކާރާ ރައްޔިތުން މަސައްކަތް ކުރާނީ އަތުގުޅައިގެން ކަމަށް ވެސް އެމަނިކުފާނު ވިދާޅުވިއެވެ.
ދުނިޔޭގެ ޑައުން ސިންޑްރޯމް ދުވަހަށް މި އަހަރު ކަނޑައަޅާފައިވަނީ “އިމް އަވަރ ސަޕޯޓް ސިސްޓަމް” މި ޝިއާރެވެ. ދުނިޔޭގައި ފާހަގަކުރަމުން އަންނަ ބައިނަލް އަޤުވާމީ ޑައުން ސިންޑްރޯމް ދުވަހަށްވާއިރު ޑައުން ސިންޑްރޯމް ހުންނަ ކުދިންނަށް ލިބެންޖެހޭ ހައްޤުތަކާއި، ޑައުން ސިންޑްރޯމް ހުންނަ ކުދިންގެ އިހުސާސް ތަކާއި އެކުދިންނާއި ބެހޭ މައުލޫމާތު ފޯރުކޮށްދީ މީހުން ހޭލުންތެރި ކުރުވުމަށްޓަކައި 21 މަރޗް 2012 އިން ފެށިގެން ކޮންމެ އަހަރަކު މިދުވަސް އަންނަނީ ފާހަގަ ކުރަމުންނެވެ.
ދިރާސާތަކުން ދައްކާގޮތުގައި ދުނިޔެއަށް އުފަންވާ ކޮންމެ 800 ކުދިންގެ ތެރެއިން 1 ކުއްޖަކީ ޑައުން ސިންޑޯރޮމް ހުންނަ ކުއްޖެކެވެ. އަދި އުމުރުން 35 އަހަރަށްވުރެ މަތިވުމުން ލިބޭ ކުދިންނަށް ބަލާއިރު މި އަދަދު އިތިރުވުމުގެ ފުރުސަތު ވަރަށް ބޮޑުވެގެންދެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0