Read Time:2 Minute, 33 Second
އިމިގްރޭޝަން ކޮންޓްރޯލަރުގެ މަގާމުން ޝައްމާން ވަހީދު ވަކިކޮށްފިއެވެ. ފުލުހުން ގެންދަނީ އިމިގްރޭޝަންގެ މުވައްޒަފުންތަކެއް މަގާމުގެ ނުފޫޒު ނާޖާއިޒު ގޮތުގައި ހިފުމުގެ މައްސަލައެއް ތަހުގީގުކުރަމުންނެވެ. ފުލުހުން ނެރުނު ބަޔާނެއްގައި ވިދާޅުވީ، މޯލްޑިވްސް އިމިގްރޭޝަންގެ ބައެއް މުވައްޒަފުން، މަގާމުގެ ނުފޫޒު ނަހަމަ ގޮތުގައި ބޭނުންކޮށް، ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދަމުންދާ ކަމަށް މައުލޫމާތު ލިބުމުން އެ މައްސަލަ ތަހުގީގުކުރަމުންދާ ކަމަށެވެ.
މި މައްސަލައާ ގުޅިގެން 2025 މާރިޗް 20 ވަނަ ދުވަހުގެ ރޭ ހިންގި އޮޕްރޭޝަނެއްގައި ގެއެއް ބަލައި ފާސްކޮށް 3 މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ. އިމިގްރޭޝަނުގައި 14 އަހަރު މަސައްކަތް ކުރެއްވި ޝައްމާނަށް އިމިގްރޭޝަން ކޮންޓްރޯލަރުކަން ދެއްވީ މި ސަރުކާރު ވެރިކަމަށް އައިސް ނޮވެމްބަރު 19، 2023ވަނަ ދުވަހުގައެވެ. އޭރު އޭނާ ހުރީ އިމިގްރޭޝަންގެ އޮފިސަރުކަމުން ވަކިކޮށްފައެވެ. ނަމަވެސް 2022 ގައި ވަޒީފާއާ ބެހޭ ޓްރައިބިއުނަލުން އޮތީ ޝަމްއާން ވަޒީފާ އިން ވަކިކުރީ ގާނޫނާ ހިލާފަށް ކަމަށް ނިންމައި، އަލުން ވަޒީފާ ރުޖޫއަކޮށްދިނުމަށް އަންގައިފައެވެ.
އޭނާ އެ މަގާމުން ވަކިކުރިކަން ކަށަވަރުވެފައިވީ ނަމަވެސް ސަރުކާރުން އަދި ރަސްމީކޮށް މިކަމާ ގުޅޭ އެއްވެސް އެއްޗެއް ހާމަ ކޮށްފައެއް ނުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0