Read Time:2 Minute, 40 Second
ސ. ފޭދޫގައި 75 ހައުސިން ޔުނިޓް އެޅުމުގެ 52 އިންސައްތަ މަސައްކަތް ނިމިއްޖެއެވެ. އިމާރާތްކުރުމާއި ގެދޮރުވެރިކަމާއި ބިނާރާ ބެހޭ ވުޒާރާއިން ވިދާޅުވީ، ފޭދޫގައި 75 ހައުސިންގ ޔުނިޓް އެޅުމަށް ކުރިއަށް ގެންދާ މަޝްރޫއުގެ 52.4 އިންސައްތަ މަސައްކަތް ވަނީ ނިމިފައި ކަމަށެވެ. މިހާރު ރޭނުމުގެ މަސައްކަތް ކުރިއަށްދާއިރު, 75 ޔުނިޓް ހިމެނޭ ފްލެޓްތަކުގެ ހަވަނަ ފަންގިފިލާގެ ޝީޓު އެޅުމުގެ މަސައްކަތް ވަނީ ނިމިފައި ކަމަށް ވެސް އެ ވުޒާރާއިން ވިދާޅުވެއެވެ.
ފޭދޫގައި ހައުސިން ޔުނިޓުގެ މަސައްކަތް ކުރިއަށްދާއިރު އައްޑޫ ސިޓީގައި 1،100 ހައުސިން ޔުނިޓު އެޅުމަށް ސަރުކާރުން ވަނީ ނިންމާފައެވެ. އެ މަޝްރޫޢުގެ ދަށުން ހިތަދޫގައި 500 ޔުނިޓް، މަރަދޫގައި 100 ޔުނިޓް، މަރަދޫފޭދޫގައި 100 ޔުނިޓް، ފޭދޫގައި 200 ޔުނިޓް، ހުޅުދޫގައި 100 ޔުނިޓް އަދި މީދޫގައި 100 ޔުނިޓް އެޅުމަށް ވަނީ ހަމަޖެހިފައެވެ. ރައީސް މުޢިއްޒުގެ ވަޢުދުގެ ދަށުން ރާއްޖޭގެ އުތުރުގައި 20,000 އަދި ދެކުނުގައި 20,000 ހައުސިންގ ޔުނިޓް އެޅުމަށް ހަމަޖެހިފައިވާއިރު، މި އަހަރުގެ ބަޖެޓުގައި ބޯހިޔާވަހިކަމާ ގުޅޭ މަސައްކަތްތަކަށް 2.5 ބިލިއަން ރުފިޔާ ހިމަނާފައިވެއެވެ. އޭގެ ތެރެއިން 1 ބިލިއަން ރުފިޔާ ޚާއްޞަކޮށްފައިވަނީ އުމްރާނީ ތަރައްޤީއަށެވެ.
މިކަމުން އެނގިގެންދަނީ ސަރުކާރުން ބޯހިޔާވަހިކަމުގެ މައްސަލައަށް ޚާއްޞަ ސަމާލުކަމެއް ދެމުންދާކަމާއި، އެކަން ހައްލުކުރުމަށް ހާއްސަ އިސްކަމެއް ދެއްވާ ކަމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0