Read Time:3 Minute, 12 Second
އުރީދޫ މޯލްޑިވްސްއަށް މިދިޔަ އަހަރު ލިބުނު ފައިދާއިން ހިއްސާއަކަށް 3.43ރ. ފައިދާގެ ގޮތުގައި ބަހަން ފާސް ކޮށްފިއެވެ. މިގޮތަށް ފާސްކޮށްފައިވަނީ އެ ކުންފުނީގެ މައި އޮފީހުގައި ބޭއްވި އަހަރީ އާންމު ޖަލްސާގައެވެ. އެ އަހަރީ އާންމު ޖަލްސާގައި 74 ހިއްސާދާރުން ބައިވެރިވެފައިވާއިރު، 60 ހިއްސާދާރުން ވަނީ އަމިއްލަ ގޮތުން ބައިވެރިވެފައެވެ. މީގެ އިތުރުން 14 ހިއްސާދާރުން ތަމްސީލުކުރުމަށް 11 ޕްރޮކްސީ ބައިވެރި ވިއެވެ. އާންމު ޖަލްސާގައި ތަމްސީލުކުރި ޖުމްލަ ހިއްސާގެ އަދަދަކީ 134،282،487 ހިއްސާ ކަމަށާއި މިއީ ޖުމްލަ ދޫކޮށްފައިވާ ހިއްސާގެ %90.85 އެވެ.
އަހަރީ އާންމު ޖަލްސާގެ އެޖެންޑާގައި ހިމަނާފައިވާ ގޮތުގެ މަތިން ހިއްސާދާރުން ވަނީ 7 މާޗް 2024 ވާ ބުރާސްފަތި ދުވަހު ބޭއްވި އަހަރީ އާންމު ޖަލްސާ އާއި 15 ޑިސެމްބަރު 2024 ވާ އާދީއްތަ ދުވަހު ބޭއްވި އެކްސްޓްރާ އޯޑިނަރީ އާންމު ޖަލްސާ އާއި 2024 ވަނަ އަހަރުގެ އޮޑިޓަރުންގެ ރިޕޯޓާއެކު އޮޑިޓްކޮށްފައިވާ މާލީ ބަޔާންތަކާއި 2024 ވަނަ އަހަރުގެ ކުންފުނީގެ ޑިރެކްޓަރުންގެ ރިޕޯޓް ފާސްކޮށްފައެވެ. 2025 ވަނަ އަހަރުގެ އޮޑިޓަރުންގެ ގޮތުގައި ކޭ.ޕީ.އެމް.ޖީ ޢައްޔަންކުރުމާއި، އެފަރާތްތަކުގެ މުސާރަ ހިމަނަން ފާސްކޮށްފައެވެ. އަދި 2024 ވަނަ އަހަރުގެ ޑިވިޑެންޑްގެ ގޮތުގައި ހިއްސާއަކަށް 3.43 ރުފިޔާ (ތިން ރުފިޔާ ސާޅީސް ތިން ލާރި) ދިނުމަށް ވެސް ހިއްސާދާރުން ވަނީ ފާސްކޮށްފަ އެވެ.
މީގެ އިތުރުން އުރީދޫ މޯލްޑިވްސްގެ ޑިރެކްޓަރުންގެ ބޯޑަށް މިސްޓަރ ޖޯޖް ބޯރިންގ ޗަލެނޯރ، ވިކްރަމް ސިންހާ އަދި އަލްފާޟިލާ މޯޒާ މުޙައްމަދު އޭވައި ދަރްވިޝް އަލުން އިންތިޚާބުކޮށް ޢައްޔަންކުރުމަށް ފާސްކޮށްފައިވަނީ މެޖޯރިޓީ ޙިއްޞާދާރު ވަތަނިއްޔާ އިންޓަރނޭޝަނަލް އެފްޒެޑް-އެލްއެލްސީ އިންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0