Read Time:2 Minute, 27 Second
(ފޮޓޯ ކްރެޑިޓްސް: ވަގުތު)
ދައުލަތުގެ ބޭރު ފައިސާގެ ރިޒާވްގެ ޖުމްލަ ރިޒާވް 832 މިލިއަން ޑޮލަރަށް އަރައި ބޭނުންކުރެވޭ ރިޒާވް 179 މިލިއަން ޑޮލަރަށް އަރާފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ވިދާޅުވެއްޖެއެވެ. އެމްއެމްއޭއިން އާންމުކޮށްފައިވާ ތަފާސް ހިސާބުތަކުން ދައްކާ ގޮތުގައި މިދިޔަ މަހުގެ ނިޔަލަށް ރަސްމީ ރިޒާވް އެސެޓުގެ ގޮތުގައި 832.1 މިލިއަން ޑޮލަރު ހުއްޓެވެ. ޖެނުއަރީ މަހުގައި މިއަދަދު 708.1 މިލިއަން ޑޮލަރުގައި ހުރިއިރު، މިދިޔަ މަހުގައި 18 އިންސައްތަ ވަނީ އިތުރުވެފައެވެ.
ތަފާސްހިސާބުތަކުން ދައްކާ ގޮތުގައި ބޭނުން ކުރެވޭ ރިޒާވް ޖެނުއަރީ މަހުގެ ބޭނުން ކުރެވޭ ރިޒާވަށް ވުރެ ވަނީ 63 މިލިއަން ޑޮލަރު އިތުރުވެފައެވެ. މިއީ ޖެނުއަރީ މަހުގެ އަދަދާއި އަޅާބަލާއިރު، 54 އިންސައްތައިގެ އިތުރުވުމެކެވެ.
ފާހަގަކޮށްލެވޭ ގޮތުގައި ރިޒާވްގެ ހާލަތު ރަނގަޅުވާން ފަށާފައިވަނީ މަރުކަޒީ ބޭންކު އެމްއެމްއޭއާއި އިންޑިޔާގެ ރިޒާވް ބޭންކާއެކު ހެދި އެއްބަސްވުމެއްގެ ދަށުން 400 މިލިއަން ޑޮލަރުގެ ކަރަންސީ ސްވޮޕެއް ހެދުމާ ގުޅިގެންނާއި މިދިޔަ އަހަރުގެ އޮކްޓޯބަރު މަހު ސަރުކާރުން ތައާރަފުކުރި ބޭރު ފައިސާއާ ބެހޭ ގަވާއިދުގެ ދަށުން ފުރަތަމަ ފަހަަރަށް ނިމުނު ޖަނަވަރީ މަހު ބޭންކުތަކަށް ޑޮލަރު މާރުކުރުމާ ގުޅިގެންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0