Read Time:2 Minute, 28 Second
(ފޮޓޯ ކްރެޑިޓްސް: ސަން)
މިފްކޯއިން އިން މަސްވެރިންގެ އަތުން ކިރާފައިވާ މަހަށްވާ 7 މިލިއަން ރުފިޔާ ދޫކޮށްފިއެވެ. މިފްކޯއިން ވިދާޅުވީ މިމަހުގެ 8 ވަނަ ދުވަހު ދޯނިތަކުން މިފްކޯގެ ސެންޓަރުތަކަށް ކިރާފައިވާ މަހަށް މިއަދުގެ ހެނދުނު 10:30 އާއި 12:30 ދެމެދު ފައިސާ ޖަމާ ކޮށްފައިވާ ކަމަށެވެ. އަދި އެހެން ބޭންކް ޓްރާންސްފާތައް މިހާރު ނިމިފައި ވާނެ ކަމަށް ވެސް މިފްކޯއިން ވަނީ ވިދާޅުވެފައެވެ.
މިފްކޯއިން ބުނި ގޮތުގައި ދޫކޮށްފައިވަނީ މަސް ކިރާފައިވާ 40 ދޯންޏަކަށް 7،489،176 ރުފިޔާއެވެ. މިފްކޯއިން މިއަދު މަސްވެރިންނަށް 7 މިލިއަން ރުފިޔާ ދޫކޮށްފައިވާއިރު، މިހާރު ނުދެވި ހުރީ މިމަހުގެ 9 ވަނަ ދުވަހު ކިރާފައިވާ ފައިސާ ކަމަށާއި އެއީ 6 މިލިއަން ރުފިޔާ ކަމަށް ވެސް މިފްކޯއިން ވަނީ ބުނެފައެވެ. މިފްކޯއިން އަންނަނީ ރައީސް، ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް ކިރާ މަހަށް 48 ގަޑިއިރު ތެރޭގައި ފައިސާ ދައްކަމުންނެވެ.
މި ސަރުކާރުން މަސައްކަތް ކުރަމުން ގެންދަނީ މަސްވެރިކަމުގެ ސިނާއަތް ކުރިއަރުވައި އެސްޓީއޯ ރޭޓުގައި މަސްވެރިންނަށް ތެޔޮ ލިބޭނެ އިންތިޒާމުތައް ހަމަޖެއްސުމަށެވެ. އެގޮތުން މިހާރު ވަނީ ހުޅުމާލެ ކަންނެލި ޖެޓީގެ އިތުރުން، ކ. ހިންމަފުށި، ޅ. ފެލިވަރު، ގއ. ކޫއްޑޫ، އަދި ސ. ހުޅުމީދޫއިން އެސްޓީއޯ ރޭޓުގައި ތެޔޮ ވިއްކަން ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0