Read Time:3 Minute, 29 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ސުލްހަވެރި އިހުތިޖާޖު ކުރަން އިދިކޮޅު އެމްޑީޕީން ދާންވީ ކާނިވަލަށް ކަމަށް ބާރަށު ދާއިރާގެ މަޖިލިސް މެންބަރު އިބްރާހިމް ޝުޖާއު ވިދާޅުވެއްޖެއެވެ. ޝުޖާއު މިފަދައިން ވިދާޅުވީ، މިސަރުކާރާއި ދެކޮޅަށް އިދިކޮޅުން ކުރިއަށް ގެންދާ ސުލްހަވެރި އިހުތިޖާޖަށް ފުލުހުން މެދުވެރިކޮށް ހުރަސް އަޅަމުން އަންނަ ކަމަށް އިދިކޮޅު ފަރާތްތަކުން ބުނަމުން އަންނަ ދަނޑިވަޅެއްގައެވެ. އެގޮތުން “އެކްސް”ގައި ކުރި ޕޯސްޓެއްގައި ޝުޖާއު ވިދާޅުވީ، އެބޭފުޅުން އިދިކޮޅުގަ ތިބެގެން ކުރީ ސުލްހަވެރި އިހުތިޖާޖެއް ނޫނޯ އެމްޑީޕީން އެބަ ބުނާ ކަމަށާއި ހަމައެކަނި ސުލްހަވެރި އިހުތިޖާޖު ކުރަނީ އެމްޑީޕީން ކަމަށެވެ.
ޝުޖާއު ވިދާޅުވީ، ގައުމު ހަލަބޮލި ކުރަން އެމްޑީޕީއަށް ފުރުސަތެއް ނުދެވޭނެ ކަމަށެވެ.
އަޅުގަނޑުމެން އިދިކޮޅުގަ ތިބެގެން ކުރީ ސުލްހަވެރި އިހްތިޖާޖެއް ނޫނޯ!MDP ކުރަނީ ސުލްހަވެރި އިހްތިޖާޖޯ!ޤައުމު ހަލަބޮލިކުރަން MDP އަށް ފުރުޞަތެއް ނުދެވޭނެ.
އަޅުގަނޑުމެންގާތު ތިބޭފުޅުން ވިދާޅުވީ ސުލްހަވެރި އިހްތިޖާޖު ކުރަން ކާނިވަލަށްދާން.ތިބޭފުޅުން ވެސް ކާނިވަލަށް ދާންވީނުން @faya_i— Ibrahim Shujau (@IbrahimShujaau) March 8, 2025
އަދި އެބޭފުޅުން އިދިކޮޅުގައި އޮތްއިރު، އެމްޑީޕީން ބުނީ ސުލްހަވެރި އިހުތިޖާޖު ކުރަން ކާނިވަލަށްދާން ކަމަށާއި އެހެން ކަމުން އެމްޑިޕީން ވެސް ސުލްހަވެރި އިހުތިޖާޖު ކުރަން ދާންވީ ކާނިވަލަށް ކަމަށް ޝުޖާއު ވިދާޅުވިއެވެ. މީގެ އިތުރުން ވެސް ޝުޖާއު ވަނީ އެމްޑީޕީން ވެރިކަމުގައި އޮތްއިރު، އިދިކޮޅުން ކުރިއަށް ގެންދިޔަ އިހުތިޖާޖުގެ ފޮޓޯ ހިއްސާކޮށް، އެބޭފުޅުން އޭރު ކަންކަން ކުރެއްވި ގޮތް ކިޔާދެއްވާފައެވެ. އެމްޑީޕީން ރޭ އިހުތިޖާޖު ކޮށްފައިވާއިރު، މިރޭ ވެސް އެޕާޓީން ވަނީ މާލޭގައި އިހުތިޖާޖުކޮށްފައެވެ. އެމްޑީޕީން ބުނި ގޮތުގައި މި އިހުތިޖާޖުތަކަކީ އެޕާޓީން ސިލްސިލާކޮށް ކުރިއަށް ގެންދާ ހަރަކާތެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0