Read Time:2 Minute, 19 Second
(ފޮޓޯ ކްރެޑިޓްސް: އެކި.އެމްވީ)
ކުރީގެ ރައީސް އަބްދުﷲ ޔާމީން 2028 ވަނަ އަހަރުގެ ރިޔާސީ އިންތިހާބުގައި ވާދަކުރައްވާނެކަން އިއުލާނުކުރައްވައި، ކުރީގެ ރައީސް މުހައްމަދު ނަޝީދާއެކު ސިޔާސީ މަސައްކަތް ފެއްޓެވި ނަމަވެސް، އެ މަނިކުފާނުގެ ސިޔާސީ މިސްރާބު ސާފުނުވެ ބޮޑު އޮޅުމެއްގެ ތެރޭގައިވާކަން ފާހަގަކުރެވެއެވެ. މީގެ ކުރިން އެމްޑީޕީއަށާއި ރައީސް އިބްރާހިމް މުހައްމަދު ސޯލިހަށް ވަރަށް ބޮޑަށް ފާޑުވިދާޅުވެ، އެ ޕާޓީއާއެކު މަސައްކަތް ނުކުރައްވާނެ ކަމަށް ވިދާޅުވުމަށްފަހު، މިހާރު ރައީސް ނަޝީދާ ގުޅިވަޑައިގަތުމަކީ އަމިއްލަ ސަޕޯޓަރުންގެ މެދުގައިވެސް ސުވާލު އުފެދިފައިވާ ކަމެކެވެ. މީގެ އިތުރުން ސަރުކާރަށް ފާޑުވިދާޅުވަމުން ގެންދަވާ ދަނޑިވަޅެއްގައި ޕީއެންސީގެ މެމްބަރުންގެ ތާއީދު ހޯއްދެވުމަށް ރައީސް ޑރ. މުއިއްޒަށް ތައުރީފުކުރެއްވުމާއި، އަމިއްލަފުޅު ޕާޓީ ޕީއެންއެފްގެ ތާއީދު ކުޑަވުމަކީ އެ މަނިކުފާނުގެ ސިޔާސީ ސްޓޭންޑް ފުށުއަރާ ކަންކަމެވެ. އެހެންކަމުން، ކުރިމަތީގައި އޮތް ޝަރީއަތްތަކާއި ދެ ބޭފުޅުންގެ މެދުގައި އޮތް ރިޔާސީ ވާދަވެރިކަމަށް ބަލާއިރު، 2028 ވަނަ އަހަރަށް އަމާޒު ހިފާއިރު ރައީސް ޔާމީން ސީދާ އަރާވަޑައިގަންނަވާނެ ސިޔާސީ އޮޑިއެއް އަދިވެސް ކަށަވަރެއް ނޫނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0