Read Time:2 Minute, 0 Second
ޓްރެފިކް މައްސަލައަށް ދާއިމީ ހައްލެއް ހޯދުމަށްޓަކައި ޓްރެފިކް މޮނިޓަރިންގ ސެންޓަރެއް ޤާއިމުކުރުމަށް ސަރުކާރުން ވަނީ ނިންމަވާފައެވެ. އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވި ގޮތުގައި، ޗައިނާ ސަރުކާރުގެ އެހީގައި މާލޭގެ ހުރިހާ މަގުތަކެއް ޒަމާނީ ފެންވަރަށް ތަރައްޤީކުރުމުގެ މަސައްކަތް މިއަހަރު ފެށިގެންދާނެއެވެ. އަދި ޓްރެފިކް މައްސަލަ ހައްލުކުރުމަށްޓަކައި ކަމާބެހޭ ފަރާތްތަކާ މަޝްވަރާކުރުމަށްފަހު މާލެ ސަރަހައްދަކީ ވެހިކަލް ރަޖިސްޓްރޭޝަން ކޮންޓްރޯލް ކުރެވިފައިވާ ޒޯނަކަށް ހެދުމަށް ވަނީ ހަމަޖެހިފައެވެ. މި ބަދަލުގެ މައިގަނޑު މަޤްޞަދަކީ ވަކި އުސޫލުތަކަކާއި މިންގަނޑުތަކެއްގެ ދަށުން ރަޖިސްޓްރީ ކުރުމުގެ ނިޒާމު ހަމަޖައްސައި، އާންމު ރައްޔިތުންގެ ރައްކާތެރިކަން ކަށަވަރުކުރުމެވެ. މީގެއިތުރުން، ބޭނުންވެއްޖެ ހާލަތެއްގައި ރާއްޖޭގެ އެހެން ސަރަހައްދުތައްވެސް މިފަދަ ކޮންޓްރޯލް ޒޯންތަކުގެ ގޮތުގައި ކަނޑައެޅުމުގެ ފުރުޞަތު ޤާނޫނުން ލިބިދޭކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0