Read Time:3 Minute, 53 Second
(ފޮޓޯ ކްރެޑިޓްސް: ރައްޔިތުންގެ މަޖިލިސް)
ރާއްޖޭގައި ވެރިކަން ކޮށްފައިވާ ކުރީގެ ރައީސުން ކެޔޮކޭވަރު އިނގޭނީ ބިތުފަންތި ނެގުމުން ކަމަށް ރައްޔިތުންގެ މަޖިލީހުގެ ވިލިމާލެ ދާއިރާގެ ޕީއެންސީ މެންބަރު މުހައްމަދު އިސްމާއިލް ވިދާޅުވެއްޖެއެވެ. މުހައްމަދު އިސްމާއިލް އެކްސްގައި ކުރެއްވި ޕޯސްޓެއްގައި ވިދާޅުވީ ދިވެހިރާއްޖެ 2008 ޑިމޮކްރަސީ ބަލައިންގަނެ ވެރިކަމުގެ ފަސް އަހަރު ދައުރު ފުރިހަމަކޮށްފައިވާ ބައެއް ކުރީގެ ރައީސުން މިއަދު ގޭގެތެރޭގައާއި ޖަގަހަތަކުގައާއި ސިޔާސީ ޕޯޑިޔަމް ތަކުގަ ދައްކަވަމުންދާ ހަޑިމުޑުދާރު ދެކޮޅުނުޖެހޭ ވާހަކަތައް އަޑުއަހަމުންދާ ދިވެހިރައްޔިތުންނަކީ މޮޔައިންކަމައް ދެކެނީތޯއެވެ.
“އިއްޔެ މެންދުރު ތިޔަބޭފުޅުންގެ ވެރިކަންތަކުގައި ބާރުވެރިކަން ގައުމާ ރައްޔިތުންގެ މައްޗައް އޮތް ހިނދު ދިވެހި ގައުމުގެ ހަޒާނާއަށާއި ފެހި ގާނޫނު އަސާސީގެ ދަށުން އުފައްދާފައި ހުރި މިނިވަން މުވައްސަސާތަކަށް ތިޔަބޭފުޅުން ހިތުހުރި ބަޔަކު އައްޔަންކޮށް ހިތުހުރި ގޮތަކަށް ކަންކަން ކުރަމުންދިޔާއީ ކޮން ގާނޫނަކުން ކޮންގަވާއިދަކުން ބާރުލިބިގެންތޯ؟. ކުރީގެ ރައީސުންނަށް ދަންނަވަން ތީގެން ކޮންމެ ރައީސަކު ހަތް ގުދުއޮވެމެ ތިޔަގޮވަނީ އިގްތިސޯދޭ ، ކަރަޕްޝަނޭ ، ސުޕްރިމްކޯޓޭ ، ޖުޑިޝަރީއޭ ، އޭސީސީއޭ ، މިނިވަން މުވައްސަސާތަކޭ ސިޔާދަތޭ ، މިނިވަންކަމޭ. އޭރު ދަންނަވަންތޯ އެންމެން ތިބެނީ ބިރުން ސިހިސިހި.” މުހައްމަދު އިސްމާއީލް ވިދާޅުވިއެވެ.
މުހައްމަދު އިސްމާއީލް ވިދާޅުވީ ކުރީގެ ރައީސުން ރީތިކޮން ތަނެއްގެ ހަމަޖެހިލާގެން އިންނާވާ އެ ބޭފުޅެއްގެ ދައުރުގައި ހިންގާފަހުރި ކަރަޕްޝަންތަކާ އެހެނިހެން ގޮތްގޮތުން ހިންގާފަހުރި ކަރަޕްޝަންތަކާ މެދުގައާއި އަދި އެ ބޭފުޅަކު ކޯޓްތަކަށާ ޖުޑިސަރީއަށް ނުފޫޒް ފޯރުވާފައި ހުރި ވަރާ މެދު ވިސްނަވާލައްވަން ޖެހޭ ކަމަށެވެ. އޭސީސީއަށް ނުފޫޒު ފޯރުވައި ގައުމުގެ މިނިވަންކަމާ ސިޔާދަތު ކޮންޕުރަމައިޒް ކޮއްގެން ކޮށްފައި ހުރި ކަންކަމާމެދު ވިސްނަވަންޖެހޭކަމަށް ވިދާޅުވިއެވެ. މުހައްމަދު އިސްމާއިލް ވިދާޅުވީ ކޮޔޮކޭވަރު އިނގޭނީ ބިތުފަންގިނެގީމަ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0