Read Time:3 Minute, 39 Second
މަޝްހޫރު ލަވަކިޔުންތެރިޔާ މުހައްމަދު މާޖިދު (މެޒޯ މޯޑް) ނިޔާވުމާ ގުޅިގެން، އޭނާގެ އާއިލާއަށް ރައީސް ޑރ. މުއިއްޒު ތައުޒިޔާ ފޮނުއްވައިފިއެވެ. ރައީސް ޑރ. މުއިއްޒު “އެކްސް” ގައި ކުރެއްވި ޕޯސްޓެއްގައި ވިދާޅުވީ ފަންނާއި މުނިފޫހިފިލުވުމުގެ ދާއިރާއަށް 45 އަހަރަށް ވުރެ ދިގު މުއްދަތަކަށް ޚިދުމަތް ކުރައްވައި، އަދި ދިވެހި އަމިއްލަ ފަންނީ ބައެއް އުފެއްދުން އުފެއްދުމުގައި ވެސް މަޤްބޫލު ހުނަރުވެރިކަަމެއް ދައްކަވާފައިވާ، މެޒޯ މޯޑް ނިޔާވުމުގެ ހިތާމައިގައި، އެ މަރުޙޫމްގެ އާއިލާ އަށް ތައުޒިޔާ ރައްދު ކުރާ ކަމަށެވެ.
“މާތްﷲގެ ރުއްސެވުމާއި ފުއްސެވުމުގައި، ސުވަރުގޭގެ ދާއިމީ ނިއުމަތުގައި މަރުޙޫމް މުހައްމަދު މާޖިދު ލަހައްޓަވާށިއެވެ. އާމީން.” ރައީސް ވިދާޅުވިއެވެ. މަޝްހޫރު އަންހެން ލަވަކިޔުންތެރިޔާ މީރާ މުހައްމަދު މާޖިދުގެ ބައްޕަ މެޒޯ މޯޑް 59، ނިޔާވީ ހާލު ދެރަވެގެން އައިޖީއެމްއެޗްގައި ފަރުވާދެމުން ދަނިކޮށް މިއަދުގެ ހަވީރުގެ ވަގުތެއްގައެވެ. އެނގިފައިވާ ގޮތުގައި އޭނާ ނިޔާވީ ހާޓް އެޓޭކެއް ޖެހިގެންނެވެ. އަމިއްލަ ރާގުގެ ގިނަ ލަވަތަކެއް ހުށަހަޅާފައިވާ މެޒޯ މޯޑް ނިޔާވުމާ ގުޅިގެން މިއުޒިކީ ދާއިރާގެ ވަރަށް ގިނަ ފަންނާނުން އަންނަނީ އޭނާގެ އާއިލާއަށް ތައުޒިޔާ ފޮނުވަމުންނެވެ. މެޒޯ ވަނީ މިއުޒިކީ ދާއިރާ އަށް 45 އަހަރަށް ވުރެ ގިނަ ދުވަހު ހިދުމަތްކޮށްފައެވެ.
އެ ހިދުމަތުގެ އަގު ވަޒަން ކުރުމުގެ ގޮތުން މެޒޯ މޯޑަށް ހިތްވަރު ދިނުމުގެ ގައުމީ އިނާމު ލިބުނީ 2010 ވަނަ އަހަރެވެ. މެޒޯ މޯޑް ކީ ލަވަތަކުގެ ތެރެއިން މަޝްހޫރުވެފައި ވަނީ އަމިއްލަ ރާގުގެ ލަވަތަކެވެ. އެގޮތުން އެންމެ މަޝްހޫރުވި ލަވަތަކުގެ ތެރޭގައި “ވިސްނާ ވިސްނާ”، “ކަމަނަ ގޯތީ އާދަނުތާ”، “އަކިރި ދެމޭ”، “ވިސްނާ ވިސްނާ”، “އުޑުން ތަރިތައް”، “ދާނޭހޭ ތިހަނދާން ފިލާ”، “އެޅި މިކަނޑުމަތި” ފަދަ ލަވަތައް ހިމެނެއެވެ.
މެޒޯ މޯޑަކީ ދިވެހި މިއުޒިކީ ދާއިރާގައި ލެޖެންޑެކެވެ. އޭނާ ވަރަށް ގިނަ ބޭންޑުތަކުގައި މަސައްކަތް ކުރިއިރު، ވަރަށް ގިނަ އަލްބަމްތައް ވެސް ނެރެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0