Read Time:2 Minute, 30 Second
(ފޮޓޯ ކްރެޑިޓްސް: ވަގުތު)
މޫސުމާ ބެހޭ ގައުމީ އިދާރާ (މެޓް) އިން ރާއްޖޭގެ ބޮޑު ބަޔަކަށް ހުދު ސަމާލު ނެރެފިއެވެ. މެޓް އޮފީހުން ސަމާލު ނެރެފައިވަނީ ށ. އަތޮޅުން ފެށިގެން ލ އަތޮޅާ ހަމައަށެވެ. އެ އިދާރާއިން ބުނީ، މިރޭ ފަތިހު 5:00 އާ ހަމައަށް އެ ސަރަހައްދުގެ ރަށްތަކަށް ގުގުރުމާއެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ.
މެޓުން ވިދާޅުވީ ކުރިއަށް އޮތް 24 ގަޑިއިރު މޫސުން ގޯސްވާނެ ކަމަށް ލަފާކުރެވޭއިރު، އަންނަ ހޯމަ ދުވަހުން ފެށިގެން މޫސުން އިތުރަށް ގޯސްވާނެ ކަމަށެވެ.
“ކުރިޔަށް އޮތް 24 ގަޑިއިރު ތަންކޮޅެއް ވިއްސާރަކޮށް މިއުޅެނީ. ދޭތެރެދޭތެރެއިން ވާރޭވެސް އެބައުޅޭ ބައެއް ސަރަހައްދުތަކުގައި ބޮޑަށް މެދު ރާއްޖެތެރޭގައި މިއުޅެނީ ވިއްސާރަ.” މެޓުން ވިދާޅުވިއެވެ.
އިއްޔެ ހުވަދު އަތޮޅަށް ވަރަށް ބޯކޮށް ވާރޭވެހުނުއިރު ގެމަނަފުއްޓަށް ވަނީ 148.6 މިލިމީޓަރުގެ ވާރޭ ވެހިފައެވެ. ފާއިތުވީ 24 ގަޑިއިރު އެންމެ ގިނައިން ވާރޭ ވެހުނީ އެރަށަށް ކަމަށް ރިޕޯޓުކޮށްފައިވެއެވެ. މި ވިއްސާރައިގެ ސަބަބުން ދަތުރުފަތުރަށް ދަތިތަކެއް ކުރިމަތިވެދާނެ ކަމަށް ބެލެވޭތީ، ކަނޑުދަތުރުކުރާ ފަރާތްތަކަށް ސަމާލުވުމަށް އިދާރާއިން އިރުޝާދު ދީފައިވެއެވެ. އަދި އާންމު ރައްޔިތުންނަށް ވެސް މޫސުމަށް ސަމާލުވެ، ރައްކާތެރިކަމުގެ ފިޔަވަޅުތައް އެޅުމަށް އިލްތިމާސްކޮށްފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0