Read Time:2 Minute, 24 Second
މޫސުމީ ބަދަލުތަކާއި ތިމާވެއްޓާއި ހަކަތައާބެހޭ ވަޒީރު، ޠާރިޤް އިބްރާހީމް ރަސްމީ ދަތުރުފުޅެއްގައި އެކުވެރި ޢަރަބި އިމާރާތް (ޔޫއޭއީ)ގެ ވެރިރަށް އަބޫދާބީއަށް ވަޑައިގެންފިއެވެ. މިނިސްޓްރީ އޮފް އެންވަޔަރަންމަންޓްއިން ކުރި ޓްވީޓެއްގައި ހާމަކޮށްފައިވާ ގޮތުގައި، ވަޒީރު ޠާރިޤްގެ މި ދަތުރުފުޅުގެ މަޤްޞަދަކީ 15 ވަނަ އިންޓަރނޭޝަނަލް ރިނިއުވަބަލް އެނަރޖީ އެޖެންސީ (އައިރީނާ) އެސެމްބްލީގައި ބައިވެރިވެވަޑައިގަތުމެވެ. އައިރީނާގެ އެސެމްބްލީގެ 15 ވަނަ ސެޝަން އޮންނާނީ ޖަނަވަރީ މަހުގެ 12 އިން 13 އަށެވެ. އަދި މި ސެޝަނާ ގުޅޭ އެހެނިހެން ބައްދަލުވުންތައް މާދަމާ ވެސް ކުރިއަށްދާނެ ކަމަށް މިނިސްޓްރީން މަޢުލޫމާތު ދީފައިވެއެވެ.
މި ބައްދަލުވުމުގައި އައިރީނާގެ ކޮންމެ މެންބަރު ޤައުމަކުން އެއް ބޭފުޅަކު ބައިވެރިވެވަޑައިގަންނަވާނެއެވެ. 2024 ވަނަ އަހަރު ނިމުނުއިރު އައިރީނާގެ މެންބަރުންގެ ތެރޭގައި 170 ޤައުމެއް ހިމެނޭ ކަމަށް މިނިސްޓްރީން ފާހަގަކޮށްފައިވެއެވެ. މި އެސެމްބްލީގައި ބައިވެރިވެވަޑައިގަތުމަކީ އިޔާދަކުރަނިވި ހަކަތައިގެ ދާއިރާއިން ދިވެހިރާއްޖެއަށް އިތުރު ފުރުޞަތުތަކެއް ހޯދައި، ބައިނަލްއަޤްވާމީ މައިދާނުގައި ރާއްޖޭގެ ދައުރު އިތުރަށް ފުޅާކުރުމަށް ލިބޭ މުހިންމު ފުރުޞަތެއް ކަމަށް ބެލެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0