Read Time:4 Minute, 19 Second
(ފޮޓޯ ކްރެޑިޓްސް: ވަގުތު)
ހުޅުމާލޭގެ ދެވަނަ ފިޔަވަހީގައި ގާއިމުކޮށްފައިވާ 132 ކިލޯވޯލްޓްގެ ހައިވޯލްޓޭޖް ސަބްސްޓޭޝަން ގްރޭޓަރ މާލެ އިންޓަކަނެކްޝަން ގްރިޑާ ގުޅާލުމުގެ މަސައްކަތް ކާމިޔާބުކަމާއެކު ނިންމާލައިފިއެވެ. ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ ޓްރާންސްމިޝަން އެންޑް ޑިސްޓްރިބިއުޝަންގެ ޖެނެރަލް މެނޭޖަރު އިބްރާހިމް ނާޝިދު ވިދާޅުވި ގޮތުގައި، މި މަސައްކަތް ކުރިއަށް ގެންދިއުމަށް ކުރިން އަންދާޒާކޮށްފައިވަނީ މާލޭގެ 10 ސަރަހައްދަކުން ކަރަންޓު މެދުކަނޑާލަން ޖެހޭނެ ކަމަށެވެ. ނަމަވެސް މޫސުން ތަންދިނުމާއެކު، މާލޭގެ ދެ ސަރަހައްދަކުން އެއް ގަޑިއިރަށްވުރެ މަދު ވަގުތުކޮޅަކަށް ކަރަންޓު މެދުކަނޑާލައިގެން މި މަސައްކަތް ނިންމާލިންމާލެވިފައިވާ ކަމަށް އޭނާ ވިދާޅުވިއެވެ.
“މި މަސައްކަތް ކުރިއަށްގެންދިއުމަށްޓަކައި މާލޭގެ 10 ސަރަހައްދަކުން ކަރަންޓުގެ ހިދުމަތް މެދުކަނޑާލަންޖެހޭނެ ކަމަށް ކުރިން އަންދާޒާ ކުރެވުނު ނަމަވެސް، މޫސުން ތަންދިނުމާއެކު މާލޭގެ 2 ސަރަހައްދަކުން އެއްގަޑިއިރަށްވުރެވެސް މަދު ވަގުތު ކޮޅަކަށް ކަރަންޓުގެ ހިދުމަތް މެދުކަނޑައިގެން މި މަސައްކަތް ވަނީ ނިންމާލެވިފައި.” އިބްރާހިމް ނާޝިދު ވިދާޅުވިއެވެ.
އެކްސްގައި ހިއްސާކުރެއްވި ވީޑިޔޯ މެސެޖުގައި ނާޝިދު ވިދާޅުވީ ފޭސް 2 ގައި ޤާއިމުކުރެވިފައިވާ ނެޓްވޯކް ކޭބަލްތައްވެސް މިއަހަރުތެރޭ ސަބްސްޓޭޝަނަށް ބަދަލުކުރާނެ ކަމަށާއި މި ކަމާއި ބެހޭގޮތުން ވާންޖެހޭ ތައްޔާރީތައް ވުމަށްފަހު ކަސްޓަމަރުންނަށް ހާމަކުރަމުން ގެންދާނެ ކަމަށެވެ.
“މި ސަބްސްޓޭޝަނުގައި އަޅުގަނޑުމެން އިތުރަށް ކުރަމުން ގެންދާ މަސައްކަތަކީ މިއަހަރު ފޭސް 2 ގައި ޤާއިމުކުރެވިފައި އިން 11 ކިލޯވޯޓުގެ ނެޓްވޯކު ކޭބަލްތައް ސަބްސްޓޭޝަންތަކަށް ބަދަލުކުރުން.” ނާޝިދު ވިދާޅުވިއެވެ.
ސްޓެލްކޯގެ ޚިދުމަތް އިތުރަށް ފުޅާކޮށް ފުރިހަމަކުރުމަށް ކުރެވޭ މިފަދަ މަސައްކަތްތަކުގައި ކަސްޓަމަރުންގެ ފަރާތުން އަބަދުވެސް ލިބެމުންދާ އެއްބާރުލުމަށް ޝުކުރު އަދާކުރައްވާ ކަމަށް ވެސް ނާޝިދު ވިދާޅުވިއެވެ. މި މަސައްކަތް ނިމުމާއެކު، ހުޅުމާލޭގެ ދެވަނަ ފިޔަވަހީގެ ކަރަންޓުގެ ޚިދުމަތް އިތުރަށް ހަރުދަނާވެ، އިތުބާރު ބޮޑުވެގެންދާނެ ކަމަށް ބެލެވެއެވެ. އަދި މުޅި ގްރޭޓަރ މާލެ ސަރަހައްދުގެ ކަރަންޓުގެ ވިއުގަ އިތުރަށް ވަރުގަދަވެގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0