Read Time:2 Minute, 10 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ނަހަމަ ގޮތުގައި ބިޒްނަސް ވިސާ ބޭނުންކޮށްގެން ރާއްޖެ އެތެރެވާ ބިދޭސީން ވަރކް ވިސާއަށް ބަދަލުކުރުން ހުއްޓުވުމުގެ ގޮތުން، ބިޒްނަސް އަދި ސްޕެޝަލް ވިސާގައި ތިބޭ ފަރާތްތަކަށް ‘އެކްސްޕެޓް ސިސްޓަމް’ މެދުވެރިކޮށް ވަރކް ޕަރމިޓަށް އެދި ހުށަނޭޅޭ ގޮތަށް ދާޚިލީ ސަލާމަތާއި ފަންނިއްޔާތާބެހޭ ވުޒާރާއިން ވަނީ އުސޫލު އިސްލާޙުކޮށްފައެވެ. ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރަމުންދާ މަސައްކަތްތަކުގެ ތެރެއިން މިހާތަނަށް 294،000 އަށްވުރެ ގިނަ ބިދޭސީންގެ ބަޔޯމެޓްރިކްސް ނަގާފައިވާއިރު، ސައްޙަ ވޯކް ޕާމިޓާއެކު ރާއްޖޭގައި މިހާރު 208،937 އަށްވުރެ ގިނަ ބިދޭސީން އެބައުޅެއެވެ. މީގެއިތުރުން، ވިސާގެ މުއްދަތު ހަމަނުވި ނަމަވެސް ހުއްދަ ދޫކޮށްފައިވާ ދާއިރާގެ ބޭރުން ނުވަތަ ‘އޯޕަން ވިސާ’ ގައި ގަވާއިދާ ޚިލާފަށް ވިޔަފާރިކޮށް މަސައްކަތްކުރާ ބިދޭސީން އިތުރުވަމުންދާތީ، އެފަދަ ފަރާތްތައް ހުއްޓުވައި އަނބުރާ ފޮނުވާލުމުގެ އޮޕަރޭޝަންތައް ކުރިއަށްދާއިރު، މިކަމުގައި ހުރިހާ ފަރާތްތަކުންވެސް ޒިންމާދާރުވުމަށް އިމިގްރޭޝަނުން ވަނީ އިލްތިމާސްކޮށްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0