Read Time:2 Minute, 14 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެއާއި މެލޭޝިއާއާ ދެމެދު އޮތް 58 އަހަރުވީ ގުޅުމުގެ އެންމެ މުހިންމު ބައިވެރިޔަކީ ދެ ޤައުމުގެ ރައްޔިތުން ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ރާއްޖެއަށް ރަސްމީ ދަތުރުފުޅެއް ކުރައްވަމުން ގެންދަވާ މެލޭޝިއާގެ ބޮޑުވަޒީރު އަންވަރު އިބްރާހީމްގެ ޝަރަފުގައި ބޭއްވި ފަރިއްކޮޅުގައެވެ.
ރައީސުލްޖުމްހޫރިއްޔާގެ ވާހަކަފުޅުގައި، މެލޭޝިއާއިން ތަރައްޤީ ހޯދާފައިވާ ގޮތަށް ރާއްޖެއިންވެސް ތަޢުލީމާއި، ޓެކްނޮލޮޖީ އަދި އިޤްތިޞާދީ ދާއިރާއިން ކުރިއަރަން މަސައްކަތް ކުރަމުންދާތީ އެ ދާއިރާތަކުން ގުޅުން ބަދަހިކުރަން ބޭނުންވާކަން ހާމަކުރެއްވިއެވެ. އަދި ރާއްޖެއަށް މާލީ، ތަޢުލީމީ، އަދި ވިސާގެ ލުއިފަސޭހަތައް ހަމަޖައްސައިދިނުމުގެ އިތުރުން، ކަރަންސީ ސްވަޕް ފެސިލިޓީއަކާއި ވިޔަފާރީގެ އެއްބަސްވުމަކާ ގުޅޭގޮތުން ދެއްވާ އެއްބާރުލުމަށް މެލޭޝިއާގެ ސަރުކާރަށާއި ބޮޑުވަޒީރަށް ރައީސް ޝުކުރު އަދާކުރެއްވިއެވެ. މީގެ އިތުރުން، ތިމާވެށްޓާއި ކަނޑުތައް ހިމާޔަތްކުރުމުގައިވެސް ގުޅިގެން މަސައްކަތްކުރުމަށް އެމަނިކުފާނު އެދިވަޑައިގެންނެވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0