Read Time:2 Minute, 16 Second
މެލޭޝިއާއާއި ރާއްޖެއާ ދެމެދު އޮތް ގުޅުން އިތުރަށް ބަދަހިކުރުމަށްޓަކައި މިއަހަރު ނިމުމުގެ ކުރިން ޖޮއިންޓް ކޮމިޝަނެއް އެކުލަވާލުމުގެ މަސައްކަތް އަވަސްކުރުމަށް އަންގަވާފައިވާ ކަމަށް މެލޭޝިއާގެ ބޮޑުވަޒީރު އަންވަރު އިބްރާހިމް ވިދާޅުވެއްޖެއެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ޝަރަފުގައި ބޭއްވެވި ރަސްމީ ފަރީއްކޮޅުގައި ވާހަކަފުޅު ދައްކަވަމުން ބޮޑުވަޒީރު ވަނީ ރައީސް މުޢިއްޒުގެ ޒަޢާމަތަށާއި، ބޭއިންސާފާ ދެކޮޅަށް އަޑުއުފުލުމުގައި ރާއްޖެއިން ދައްކާ ހިތްވަރަށް ތަޢުރީފު ކުރައްވާފައެވެ. އަދި މޫސުމީ ބަދަލުތަކުން ކުދި ޤައުމުތަކަށް ލިބޭ ގެއްލުންތަކަށް ދުނިޔޭގެ ބޮޑެތި ޤައުމުތައް ޒިންމާދާރުކުރުވަން ޖެހޭ ކަމަށްވެސް އެމަނިކުފާނު ފާހަގަކުރެއްވިއެވެ.
މީގެއިތުރުން، ދެޤައުމުގެ ދެމެދުގައި ހަމަޖެއްސުމަށް ހަމަޖެހިފައިވާ 100 މިލިއަން ޑޮލަރުގެ ކަރަންސީ ސްވަޕްގެ މަސައްކަތް އަވަސްކުރުމަށް މެލޭޝިއާގެ މަރުކަޒީ ބޭންކަށް އަންގަވާފައިވާ ކަމަށާއި، ތަޢުލީމީ އަދި ޞިއްޙީ ދާއިރާއިން ދިވެހިންނަށް ހުރި ދަތިތައް ދިވެހި ސަރުކާރާ ގުޅިގެން ހައްލުކޮށްދެއްވާނެ ކަމުގެ ޔަޤީންކަންވެސް ބޮޑުވަޒީރު އަންވަރު އިބްރާހިމް ދެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0