Read Time:1 Minute, 55 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެއާއި މެލޭޝިއާގެ މަރުކަޒީ ބޭންކާ ދެމެދު 100 މިލިއަން ޑޮލަރުގެ ފައިނޭންސިން ފެސިލިޓީއެއް ހަމަޖެއްސުމަށް އެއްބަސްވެފައިވާކަން މެލޭޝިއާގެ ބޮޑުވަޒީރު އަންވަރު އިބްރާހީމް ރާއްޖެއަށް ކުރެއްވި ފުރަމާނަ ދަތުރުފުޅުގައި ވަނީ ހާމަކުރައްވާފައެވެ. ދެ ޤައުމުގެ ގުޅުން އިތުރަށް ބަދަހިކުރުމަށް މަތީ ފަންތީގެ ކޮމިޝަނެއް އެކުލަވާލުމަށް ނިންމާފައިވާއިރު، މެލޭޝިއާގައި އުޅޭ ދިވެހި ދަރިވަރުންނަށާއި ޞިއްޙީ ފަރުވާ ހޯދާ ފަރާތްތަކަށް ލުއިގޮތްތައް ހަމަޖައްސައިދިނުމަށާއި، މޫސުމީ ބަދަލުތަކާ ދެކޮޅަށް މަސައްކަތްކުރުމަށާއި ޕެޓްރޮނާސް މެދުވެރިކޮށް ރާއްޖޭގައި ތެޔޮ ހުރިތޯ ބެލުމާ ގުޅޭގޮތުންވެސް ވަނީ މަޝްވަރާކުރައްވާފައެވެ. މީގެއިތުރުން ފަލަސްޠީނުގެ ޙައްޤުގައި އަދި އިސްރާއީލާ ދެކޮޅަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ގެންގުޅުއްވާ ހަރުދަނާ ސިޔާސަތަށް ބޮޑުވަޒީރު އަންވަރު ވަނީ ވަރަށް ބޮޑަށް ތަޢުރީފުކުރައްވާ ޝުކުރު އަދާކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0