Read Time:2 Minute, 2 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެއާއި މެލޭޝިއާއާ ދެމެދު ހަދާ ކަރަންސީ ސްވަޕް އެއްބަސްވުން އާދައިގެ އުސޫލުތަކަށްވުރެ އަވަސްކުރުމަށް މެލޭޝިއާގެ ސެންޓްރަލް ބޭންކަށް އަންގަވާފައިވާ ކަމަށް، ރައީސް ޑރ. މުއިއްޒުގެ ދެކަނބަލުން ބޭއްވެވި ފަރިއްކޮޅެއްގައި ވާހަކަފުޅު ދައްކަވަމުން އެ ގައުމުގެ ބޮޑުވަޒީރު އަންވަރު އިބްރާހިމް ވިދާޅުވެއްޖެއެވެ. ރައީސް މުއިއްޒުގެ ހަރުދަނާ ލީޑަޝިޕަށާއި އިންސާފަށް ވަކާލާތުކުރުމުގައި ރާއްޖެއިން ދައްކާ ނަމޫނާއަށް ތައުރީފު ކުރައްވަމުން، ތިމާވެށީގެ މައްސަލަތަކުގައި ދެ ގައުމު ގުޅިގެން އަޑުއުފުލުމުގެ މުހިންމުކަން އަންވަރު ފާހަގަކުރެއްވިއެވެ. މީގެއިތުރުން ދެ ގައުމުގެ “ޖޮއިންޓް ކޮމިޝަން” ބައްދަލުވުން މިއަހަރު ބޭއްވުމަށާއި، ތައުލީމީ އަދި އިޖުތިމާއީ ދާއިރާތަކުން ރާއްޖެއަށް އެއްބާރުލުން ދެއްވާނެ ކަމަށް ވިދާޅުވެ، ޒަމާނީ ޓެކްނޮލޮޖީއާއެކު އިސްލާމީ އަގީދާއާއި އަހުލާގު ހިފެހެއްޓުމުގެ މުހިންމުކަމަށް އަލިއަޅުއްވާލައްވަމުން ދިވެހި ސަރުކާރުގެ މެހުމާންދާރީއަށް އަންވަރު ޝުކުރު އަދާކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0