Read Time:1 Minute, 57 Second
(ފޮޓޯ ކްރެޑިޓްސް: މިހާރު)
ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމްގެ އިތުބާރު ނެތްކަމުގެ މައްސަލައިގައި ބަހުސްކުރާނެ ވަގުތާއި ޖަވާބުދާރީވުމަށް ދޭނެ ވަގުތު ކަނޑައެޅުމަށް އާންމު ކޮމިޓީގެ ބައްދަލުވުމެއް މިއަދު ހަވީރަށް ތާވަލުކޮށްފިއެވެ. ޕީއެންސީގެ 73 މެންބަރުންގެ ސޮޔާއެކު ހުށަހެޅި މި ގަރާރުގައި ނާޒިމާ ދެކޮޅަށް އުފުލާފައިވާ ތުހުމަތުތަކުގެ ތެރޭގައި މަގާމުގެ ނުފޫޒު ބޭނުންކޮށްގެން ނާޖާއިޒު ފައިދާ ނެގުމާއި، މަޖިލީހުގެ މަސްލަހަތު ނަގާލަން ހިތްވަރުދީ ޒިންމާތަކަށް އިހުމާލުވުން ހިމެނެއެވެ. މީގެ އިތުރުން ނާޒިމް ވަކި އަތަކަށް ޖެހިވަޑައިގެން މެންބަރުންގެ ހައްގުތައް ހިމާޔަތްކުރުމަށް ހުރަސް އަޅުއްވާ ކަމަށްވެސް ގަރާރުގައި ބަޔާންކޮށްފައިވެއެވެ. މަޖިލީހުގެ ގަވާއިދު ބުނާގޮތުން ނައިބު ރައީސް މަގާމުން ވަކިކުރެވޭނީ ޖަލްސާގައި ހާޒިރުވެ ތިއްބަވާ މެންބަރުންގެ އަޣުލަބިއްޔަތުން ކަމަށްވާއިރު، މަޖިލީހުގެ ބޮޑު އަޣުލަބިއްޔަތެއް އޮތް ޕީއެންސީން ވަނީ އޭނާ ވަކިކުރަން ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0