Read Time:2 Minute, 9 Second
(ފޮޓޯ ކްރެޑިޓްސް: ޕީއެސްއެމް ނިއުސް)
މިއަހަރުގެ މިހާތަނަށް ދައުލަތަށް ލިބޭނެ ކަމަށް ލަފާކުރި އާމްދަނީގެ 60 އިންސައްތަ ނުވަތަ 24.1 ބިލިޔަން ރުފިޔާ ލިބިފައިވާ ކަމަށް މާލީ ވުޒާރާގެ ތަފާސްހިސާބުތަކުން ދައްކައިފިއެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 10.9 އިންސައްތައިގެ ކުރިއެރުމެކެވެ. އާމްދަނީ އިތުރުވުމުގެ މައިގަނޑު ސަބަބަކީ ޓެކްސްގެ ގޮތުގައި ލިބުނު ފައިސާ، ޚާއްޞަކޮށް ޖީއެސްޓީ އާއި ޓީޖީއެސްޓީން ލިބުނު އާމްދަނީ އިތުރުވުމެވެ.
ދައުލަތުގެ ޚަރަދުތަކަށް ބަލާއިރު، މިހާތަނަށް 25.5 ބިލިޔަން ރުފިޔާ ޚަރަދުކޮށްފައިވާއިރު، މިއީ މިދިޔަ އަހަރަށްވުރެ 19.7 އިންސައްތަ އިތުރު އަދަދެކެވެ. ޚަރަދުތައް ބޮޑުވާން ދިމާވި މައިގަނޑު ސަބަބުތަކުގެ ތެރޭގައި މުވައްޒަފުންގެ މުސާރަ ބޮޑުކުރުމާއި، އާސަންދައާއި ސަބްސިޑީއަށް ކުރާ ހޭދަ އިތުރުވުން ހިމެނެއެވެ. ވަކިން ޚާއްޞަކޮށް، ދުނިޔޭގެ ބާޒާރުގައި ތެލުގެ އަގު އުފުލުމާ ގުޅިގެން ސަބްސިޑީއަށް ކުރާ ޚަރަދު ވަނީ ވަރަށް ބޮޑަށް އިތުރުވެފައެވެ. މިހާރުގެ ތަފާސްހިސާބުތަކަށް ބަލާއިރު، ދައުލަތުގެ ބަޖެޓު އޮތީ 1.4 ބިލިޔަން ރުފިޔާގެ ޑެފިސިޓެއްގައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0