Read Time:2 Minute, 22 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖެ ޑިޖިޓަލައިޒްކުރުމަށް ހިންގާ “މޯލްޑިވްސް 2.0” މަޝްރޫޢުގެ ސަބަބުން ކައުންސިލްތައް ބާރުވެރިވެ، ދައުލަތުގެ ޚިދުމަތްތައް ހަރުދަނާވެގެންދާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. ތިން އަހަރު ދުވަހަށް ބަހާލައިގެން ކުރިއަށްގެންދާ މި މަޝްރޫޢުގެ މައިގަނޑު މަޤްޞަދަކީ ކޮރަޕްޝަން ނައްތާލައި، ދެފުށް ފެންނަ، އަދި ހަލުވި ނިޒާމެއްގެ ތެރެއިން ރައްޔިތުންނަށް ޚިދުމަތް ފޯރުކޮށްދިނުމެވެ. މިކަމަށް ބޭނުންވާ ޤާނޫނީ އޮނިގަނޑު އެކުލަވައިލުމަށްޓަކައި “ޑިޖިޓަލް ޓްރާންސްފޮމޭޝަން ބިލް” މިހާރު ވަނީ މަޖިލީހަށް ހުށަހަޅާފައެވެ.
މި މަޝްރޫޢުގެ ދަށުން ދައުލަތުގެ ލިޔެކިޔުންތަކާއި ކުރެހުންތައް ޑިޖިޓަލްކޮށް ރައްކާތެރިކުރެވި، މުވައްޒަފުންނަށާއި ޚިދުމަތް ހޯދާ ފަރާތްތަކަށް ބޮޑެތި ފަސޭހަތަކެއް ލިބޭނެއެވެ. ޚާއްޞަކޮށް ސިއްޙީ ދާއިރާގައި ޑިޖިޓަލް ހެލްތު ސަރވިސް ތަޢާރަފްވެ، ކުދި ވިޔަފާރިތަކަށް ދުނިޔޭގެ ބާޒާރާ ގުޅާލުމުގެ ފުރުޞަތު ފަހިވެގެންދާނެއެވެ. މި އިސްލާހީ ބަދަލާއެކު މުޅި ދައުލަތް “ސްމާޓް” ނިޒާމަކަށް ބަދަލުވެ، ރައްޔިތުންނަށް ދޭ ޚިދުމަތްތަކުގެ ފެންވަރު އިންޤިލާބީ ގޮތެއްގައި މަތިވެގެންދާނެ ކަމަށް ރައީސް ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0