ރައީސް މުޢިއްޒުގެ ސަރުކާރު: ޚިޔާލު ފާޅުކުރުމާއި މިނިވަން ނޫސްވެރިކަމަށް ޒަމާނަކުން އައި ރަން ޒަމާނެއް!

Read Time:3 Minute, 41 Second

(ފޮޓޯ ކްރެޑިޓްސް: އެކި. އެމްވީ)

ރައީސް ޑރ. މުޙައްމަދު މުޢިއްޒުގެ ސަރުކާރުން ވަނީ ރާއްޖޭގެ ސިޔާސީ މަސްރަޙަށް ހާމަކަންބޮޑު، ޒިންމާދާރު ޑިމޮކްރަސީއެއްގެ އައު މިންގަނޑުތަކެއް ތަޢާރަފުކޮށްދެއްވާފައެވެ. އިސްލާމީ އުޞޫލުތަކާ އެއްގޮތްވާ ގޮތުގެ މަތިން ޚިޔާލުފާޅުކުރުމުގެ މިނިވަންކަން ކަށަވަރުކޮށްދެއްވައި، ނޫސްވެރިންނާ ގަވާއިދުން ބައްދަލުކުރެއްވުމުގެ ސަގާފަތެއް ވަނީ ޤާއިމުކޮށްދެއްވާފައެވެ. ވަކިން ޚާއްޞަކޮށް، ދުނިޔޭގެ ރެކޯޑު މިންވަރަކަށް ދިގުދެމިގެންދިޔަ ނޫސްވެރިންގެ ބައްދަލުވުމެއް ބޭއްވެވުމާއި، ހުރިހާ މީޑިއާތަކަށް ހަމަހަމަ ފުރުޞަތު ދެއްވުމަކީ ކުރީގެ ސަރުކާރުތަކާ އަޅާބަލާއިރު ފާހަގަކޮށްލެވޭ ބޮޑު ބަދަލެކެވެ.

ސިޔާސީ ކެތްތެރިކަމުގެ ގޮތުން ބަލާއިރު، ފާއިތުވި 15 އަހަރު ރާއްޖޭގައި އޮތް އިދިކޮޅު ލީޑަރުން ހައްޔަރުކުރުމުގެ ސަގާފަތް މި ސަރުކާރުން ވަނީ ނިމުމަކަށް ގެނެސްފައެވެ. ސިޔާސީ ބަދަލުހިފުމުގެ ރޫޙު ދޫކޮށްލައްވައި، އިދިކޮޅު ފަރާތްތަކަށް މިނިވަންކަމާއެކު ހަރަކާތްތެރިވުމުގެ ޖާގަ ވަނީ ފަހިކޮށްދެއްވާފައެވެ. މީގެ އިތުރުން، “އަހާ ފޯރަމް” ފަދަ ޕްލެޓްފޯމްތައް މެދުވެރިކޮށް ރައްޔިތުންގެ ޝަކުވާތަކާއި ފާޑުކިޔުންތަކަށް ސީދާ ރައީސާއި ވަޒީރުން ޖަވާބުދާރީވުމަކީ ރައްޔިތުންނާ ގާތުން މަސައްކަތްކުރުމުގެ އައު ނަމޫނާއެކެވެ.

އަތޮޅުތެރޭގެ ތަރައްޤީއަށް އިސްކަންދެއްވައި، ކުރު މުއްދަތެއްގެ ތެރޭގައި ރާއްޖޭގެ ހުރިހާ ރަށަކަށް ޒިޔާރަތްކުރައްވައި ރައްޔިތުންގެ އަޑު އައްސަވާފައިވަނީ އިންތިޚާބީ މަޤުޞަދެއްގައެއް ނޫނެވެ. ހަމައެހެންމެ، ނޫސްވެރިކަމުގެ މިނިވަންކަމުގެ ނަމުގައި ދީނީ މިންގަނޑުތަކާ ޚިލާފުވުމާއި އަބުރުކަތިލުން ހުއްޓުވައި، ޒިންމާދާރު ނޫސްވެރިކަމެއް ކުރިއެރުވުމަށް މި ސަރުކާރުން ބާރުއަޅުއްވައެވެ. ރައީސް މުޢިއްޒު ކަނޑައެޅުއްވި މި އުޞޫލުތަކަކީ މުސްތަޤުބަލުގެ ވެރިންނަށްވެސް އަމަލުކުރަން މަޖުބޫރުވާނެފަދަ، ދިވެހި ޑިމޮކްރަސީގައި ބިނާކުރެއްވި ވަރުގަދަ ތަރިކައެކެވެ.