Read Time:1 Minute, 47 Second
(ފޮޓޯ ކްރެޑިޓްސް: ހައުސިންގ މިނިސްޓްރީ)
މާލޭ މަސް މާރުކެޓު ތަރައްޤީކުރުމަށް ބޭނުންވާ ބިން ހަވާލުނުކުރާތީ ބިނާރާ، ގެދޮރުވެރިކަމާއި އުމްރާނީ ތަރައްޤީއާ ބެހޭ ވުޒާރާއިން ކަންބޮޑުވުން ފާޅުކޮށްފިއެވެ. މިއަހަރުގެ މާރިޗު މަހުން ފެށިގެން މިކަމަށް އެދި ތަކުރާރުކޮށް ސިޓީ ފޮނުވުމުންވެސް މާލެ ސިޓީ ކައުންސިލުން އެއްބާރުލުން ދީފައިނުވާކަން އެ ވުޒާރާއިން ފާހަގަކުރެއެވެ. 126 މިލިއަން ރުފިޔާގެ މި މަޝްރޫޢަކީ ތިން ފަންގިފިލާގެ ޒަމާނީ އިމާރާތެއް އެޅުމަށް ކޮންޓްރެކްޓަރާ ހަވާލުކޮށް، ފައިސާވެސް ހަމަޖެހިފައިވާ މަސައްކަތެކެވެ. ބިން ހަވާލުނުކުރުމުގެ ސަބަބުން މަސައްކަތް ނުފެށި ލަސްވަމުންދާތީ، އޭގެ ތަކުލީފު ރައްޔިތުންނަށް އުފުލަންޖެހޭކަމަށް ސަރުކާރުން ބުނެއެވެ. މީގެ ކުރިންވެސް މާރުކޭޓު ސަރަޙައްދުގެ މަގު ހެދުމުގެ މަސައްކަތަށް ސިޓީ ކައުންސިލުން އެއްބާރުލުން ނުލިބުނުކަން ރައީސުލްޖުމްހޫރިއްޔާ ވަނީ ފާހަގަކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0