Read Time:1 Minute, 55 Second
(ފޮޓޯ ކްރެޑިޓްސް: ރޮއިޓާރސް)
ޢިރާޤުގެ ހުއްދައެއް ނެތި އެ ޤައުމުގެ ހުޅަނގު ސަހަރާގައި ޔަހޫދީން ސިއްރު ދެ އަސްކަރީ މަރުކަޒު ބިނާކޮށް، އީރާނާ ދެކޮޅަށް ކުރާ ހަނގުރާމައިގައި ބޭނުންކުރަމުންދާކަން ފަޅާއަރައިފިއެވެ. ދި ނިއު ޔޯކް ޓައިމްސުން ރިޕޯޓުކޮށްފައިވާ ގޮތުގައި، މި މަރުކަޒުތައް ބޭނުންކުރާތާ އަހަރަކަށްވުރެ ގިނަ ދުވަސްވެފައިވާއިރު، އެ ތަންތަން ބޭނުންކުރަނީ އަސްކަރީ ބޯޓުތަކަށް ތެޔޮ އެޅުމަށާއި ސިފައިންނަށް ޞިއްޙީ ފަރުވާ ދިނުމަށެވެ. މި މަރުކަޒުތައް ފަޅާއެރީ އަލް-ނަޚާޔިބު ސަރަޙައްދުގައި ބަކަރި ހުއިހައްޕާ މީހަކަށް އެ ތަން ފެނިގެން ރިޕޯޓުކުރުމުންނެވެ. ޢިރާޤުގެ ސަލާމަތީ ބާރުތަކުން އެ ސަރަޙައްދަށް ދިއުމުން ޔަހޫދީ ސިފައިން ދިން ޙަމަލާއެއްގައި ޢިރާޤު ސިފައިންގެ މީހަކު ޝަހީދުވެފައިވާއިރު، މި ކަން ރިޕޯޓުކުރި މީހާ ވެސް ވަނީ މަރާލާފައެވެ. ޢިރާޤުގެ ބައެއް އިސް އޮފިޝަލުން މި ކަން ދޮގުކުރި ނަމަވެސް، އެ ސަރަޙައްދުގައި ބަޔަކު އަސްކަރީ އޮޕަރޭޝަނެއް ހިންގާފައިވާ ކަން ވަނީ ކަށަވަރުވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0