Read Time:1 Minute, 55 Second
(ފޮޓޯ ކްރެޑިޓްސް: ބީއެމްއެލް)
ބޭންކް އޮފް މޯލްޑިވްސްގެ އަމާޒަކީ އައު އީޖާދުތަކާއި ޓެކްނޮލޮޖީގެ އެހީގައި މުޅި ރާއްޖެއަށް މަންފާކުރަނިވި ނަތީޖާތަކެއް ހާސިލުކޮށްދިނުން ކަމަށް އެ ބޭންކުގެ ސީއީއޯ މުޙައްމަދު ޝަރީފް ވިދާޅުވެއްޖެއެވެ. “ކޮލެބް 26” އިފްތިތާހުކުރުމުގެ ރަސްމިއްޔާތުގައި ވާހަކަދައްކަވަމުން ޝަރީފް ފާހަގަކުރެއްވީ، ޓެކްނޮލޮޖީއަކީ ހަމައެކަނި ހިންގުމުގެ ވަސީލަތެއް ނޫން ކަމަށާއި، އެއީ އިޤުތިޞާދީ ކުރިއެރުމަށާއި ޤައުމީ ތަރައްޤީއަށް ލިބޭ ބޮޑު ބާރެއް ކަމަށެވެ. ޑިޖިޓަލް ބޭންކިންގްގެ ސަބަބުން ރާއްޖޭގެ ކޮންމެ ރަށެއްގައި ހުރެގެންވެސް ފަސޭހަކަމާއެކު ޚިދުމަތް ހޯދޭނެ މަގު ފަހިވެފައިވާކަން އޭނާ ފާހަގަކުރެއްވިއެވެ. މީގެ އިތުރުން، މައިންޑްކޯއާ ގުޅިގެން އުފެއްދި ކޮމްޕިޓެންސީ ސެންޓަރުގެ މަޤްޞަދަކީ ދިވެހި ހުނަރުވެރިން ބިނާކުރުމާއި، އޭއައި ފަދަ ޒަމާނީ ޓެކްނޮލޮޖީތަކަށް އަހުލުވެރިކުރުވައި، ޤައުމީ ގޮންޖެހުންތަކަށް އީޖާދީ ހައްލުތަކެއް ހޯދުންކަމަށް ސީއީއޯ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0