Read Time:1 Minute, 31 Second
ދ. މީދޫ ކައުންސިލްގެ ރައީސް ހޮވުމަށް ބޭއްވި އިންތިހާބުގެ ނަތީޖާ އެއްވަރުވުމާ ގުޅިގެން، އެ މަގާމަށް މީހަކު ހޮވުމަށް ބާއްވާ ދެވަނަ ބުރުގެ ވޯޓުލުން އަންނަ ޖޫން މަހުގެ 13 ވަނަ ދުވަހު ބޭއްވުމަށް އިލެކްޝަންސް ކޮމިޝަނުން ނިންމައިފިއެވެ. މި ގޮނޑިއަށް ވާދަކުރެއްވި ޕީއެންސީގެ ކެންޑިޑޭޓް ސުހާ އިބްރާހިމާއި އެމްޑީއޭގެ ކެންޑިޑޭޓް މުހައްމަދު ޝާހިދުގެ ވޯޓު އެއްވަރުވީ، ބާތިލު ވޯޓަކާ ގުޅޭގޮތުން ހައި ކޯޓަށް ހުށަހެޅި މައްސަލައެއްގައި އެއީ ސައްހަ ވޯޓެއް ކަމަށް ކޯޓުން ހުކުމް ކުރުމާ ގުޅިގެންނެވެ. އީސީން ހާމަކުރި ގޮތުގައި ޖޫން 13 ވާ ބުރާސްފަތި ދުވަހު ވޯޓުލުން ކުރިއަށްދާނީ ހެނދުނު 8:00 އިން ހަވީރު 4:00 އަށެވެ. އަދި މި އިންތިހާބުގެ ރަސްމީ ނަތީޖާ އިއުލާން ކުރުމަށް ހަމަޖެހިފައިވަނީ ޖޫން މަހުގެ 14 ވަނަ ދުވަހުއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0