Read Time:1 Minute, 59 Second
ރައީސް ޔާމީންގެ ވެރިކަމަކީ ދިވެހި ނޫސްވެރިކަމުގެ ތާރީޚުގައި ފެނިގެންދިޔަ އެންމެ ކަޅު ދުވަސްތަކެވެ. 2016 ވަނަ އަހަރު ފާސްކުރި އަބުރުގެ ގާނޫނުގެ ދަށުން މީޑިއާތައް ބޮޑެތި އަދަދުތަކުން ޖޫރިމަނާކޮށް، ނޫސްވެރިންނަށް ބިރުދައްކައި، ހަގީގަތް ހާމަކުރުމަށް ހުރަސްއެޅިއެވެ. މިގޮތުން ރާއްޖޭގެ އެންމެ ދުވަސްވީ “ހަވީރު” ނޫސް ބަންދުކުރަން ޖެހުމާއި، ރާއްޖެ ޓީވީ ފަދަ މީޑިއާތަކަށް ކުރި ގޯނާތަކަކީ ނޫސްވެރިކަން ފުނޑާލުމަށް ހިންގި ވަރުގަދަ އަމަލުތަކެކެވެ.
މީގެ އިތުރުން ނޫސްވެރިޔާ އަހުމަދު ރިލްވާން ގެއްލުވާލުމާއި ބްލޮގަރު ޔާމީން ރަޝީދު މަރާލުމުގެ ހާދިސާތަކުގައި އިންސާފު ހޯދައިދިނުމުގެ ބަދަލުގައި، ސަރުކާރުން ފެނުނީ ފަރުވާކުޑަ އިހުމާލުތަކެކެވެ. ނޫސްވެރިންނާ ދުރުހެލިވެ، ސުވާލުކުރުމުގެ ފުރުސަތު ހަނިކޮށް، މުޅި މީޑިއާ ދާއިރާގައި ބިރުވެރިކަން އުފެއްދިއެވެ. މިހާ ބޮޑެތި އަނިޔާތަކެއް ނޫސްވެރިކަމަށް ދިން ބޭފުޅަކު، މިއަދު ނޫސްވެރިކަމުގެ ދިފާއުގައި ވާހަކަދެއްކެވުމަކީ ބޮޑު ޖޯކެއްގެ ގޮތުގައި ގިނަ ބަޔަކު ސިފަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0