Read Time:1 Minute, 56 Second
ބޭނުންކުރުން ހުއްޓާލައި ކުދިކޮށް ކޮށާފައިވާ ޕޮލިމަރ ބޭންކް ނޫޓުތައް ބޭނުންކޮށްގެން އާ ތަކެތި އުފެއްދުމަށް ހިތްވަރު ދިނުމުގެ ގޮތުން “ކްރާފްޓެޑް ބައި ކަރަންސީ” ނަމުގައި އެމްއެމްއޭއިން ދެ މުބާރާތެއް އިފްތިތާޙްކޮށްފިއެވެ. ތިމާވެއްޓާ ރައްޓެހި ގޮތަކަށް ނޫޓުތައް ރީސައިކަލް ކުރުމުގެ މަޤްޞަދުގައި ކުރިއަށްގެންދާ މި މުބާރާތްތަކަކީ ސުވެނިއަރ ފަރުމާކުރުމުގެ މުބާރާތަކާއި އާޓްވޯކް ތައްޔާރުކުރުމުގެ މުބާރާތެކެވެ. ފަރުދުންނާއި ވިޔަފާރިތަކަށްވެސް ބައިވެރިވެވޭ މި މުބާރާތްތަކުން ހޮވޭ ފަރާތްތަކަށް 15,000 ރުފިޔާއާ ހަމައަށް ފައިސާގެ އިނާމު ހުށަހަޅާފައިވާއިރު، މުބާރާތުގެ އުފެއްދުންތައް 2026 ވަނަ އަހަރުގެ ފައިނޭންޝަލް އެކްސްޕޯގައި ދައްކާލުމަށް ވަނީ ހަމަޖެހިފައެވެ. ބައިވެރިވާން އެދޭ ފަރާތްތަކުން 14 މެއި 2026 ގެ ކުރިން އެޕްލިކޭޝަން ހުށަހަޅަންޖެހޭއިރު، ސުވެނިއަރ މުބާރާތުން ވަނަ ހޯދާ ފަރާތްތަކަށް އެމްއެމްއޭއަށް ބޭނުންވާ ހަނދާނީ ހަދިޔާ އުފެއްދުމުގެ ފުރުޞަތުވެސް ލިބިގެންދާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0