Read Time:1 Minute, 49 Second
(ފޮޓޯ ކްރެޑިޓްސް: އިމިިގްރޭޝަން)
ރާއްޖޭގައި ޤަވާއިދާ ޚިލާފަށް ހިންގާ ބިދޭސީންގެ ވިޔަފާރިތައް ހުއްޓުވުމަށް އެކުލަވާލާފައިވާ ޚާއްސަ ޓާސްކް ފޯހުން ކުރިއަށްގެންދާ އޮޕަރޭޝަންތަކުގައި، މިހާތަނަށް 247 ތަނެއް ބަލައި ފާސްކޮށް 107 ވިޔަފާރިއެއް ވަނީ ބަންދުކޮށްފައެވެ. މިދިޔަ އަހަރުގެ ނޮވެންބަރު މަހުން ފެށިގެން ކުރިއަށްގެންދާ މި މަސައްކަތުގައި ބަންދުކުރި ތަންތަނުގެ ތެރެއިން، ޤަވާއިދާ އެއްގޮތަށް ކަންކަން އިސްލާހުކުރުމުން 68 ތަނަކަށް އަލުން ހުޅުވުމުގެ ހުއްދަ ވަނީ ދީފައެވެ. ވިޔަފާރިތައް ބަންދުކުރަނީ ރަޖިސްޓްރީ ނުކޮށް ހިންގުމާއި، ހުއްދަ ދެވިފައިވާ ދާއިރާ ނޫން އެހެން ދާއިރާތަކުގައި ވިޔަފާރިކުރުމުގެ އިތުރުން، ސިއްހީ މިންގަނޑުތަކާ ޚިލާފުވުމުންނެވެ. އަލުން ވިޔަފާރި ހުޅުވުމުގެ ފުރުސަތު ދޭނީ ޤާނޫނީ ހުރިހާ އިލްތިޒާމްތަކެއް ފުރިހަމަކޮށް، ދައްކަންޖެހޭ ޖޫރިމަނާއެއްވާނަމަ އެ ފައިސާ ދެއްކުމުން ކަމަށް އިޤްތިޞާދީ ވުޒާރާއިން ވިދާޅުވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0