Read Time:2 Minute, 20 Second
ރާއްޖޭގައި މާޗް އަދި އޭޕްރީލް މަހަކީ އަހަރުގެ އެންމެ ހޫނުގަދަ ދުވަސްވަރު ކަމަށްވާއިރު، މި ހޫނާ އެކު ކަރަންޓު ބޭނުންކުރާ މިންވަރު ވަރަށް ބޮޑަށް އިތުރުވެފައިވާކަން ސްޓެލްކޯގެ ތަފާސްހިސާބުތަކުން ދައްކައެވެ. މާލެ ސަރަހައްދުގައި އިހުސާސްކުރެވޭ ހޫނުމިން ބައެއް ދުވަސްދުވަހު 37 ޑިގްރީ ސެލްސިއަސް އަށް ވުރެ މައްޗަށް ގޮސްފައިވާއިރު، ހޫނު ގަދަވާ ވަގުތުތަކުގައި ކަރަންޓުގެ ޑިމާންޑް 120,000 ކިލޯވޮޓަށް ވުރެ މައްޗަށް އަރައެވެ. މީގެ އިދިކޮޅަށް، ވާރޭވެހި ފިނިވާ ވަގުތުތަކުގައި ކަރަންޓު ބޭނުންކުރާ މިންވަރު ފާހަގަކޮށްލެވޭ މިންވަރަކަށް ދަށްވެއެވެ.
ތަފާސްހިސާބުތަކަށް ބަލާއިރު، ދުވާލުގެ ހޫނުގަދަ ވަގުތުތަކުގެ އިތުރުން، ރޭގަނޑު 9:00 ހާއިރު ކަރަންޓުގެ ޑިމާންޑް އެންމެ މަތިވަނީ ގިނަ ބަޔަކު އެއްވަގުތެއްގައި ގޭގައި އުޅެ ކަރަންޓު ބޭނުންކުރާތީއެވެ. ފާއިތުވި ހަފުތާގައި މެންދުރުފަހު 2:00 އިން ރޭގަނޑު 9:00 އާ ހަމައަށް ކަރަންޓުގެ ޑިމާންޑް އެވްރެޖްކޮށް 122,225 ކިލޯވޮޓްގައި ހުރިއިރު، ފާއިތުވި މަހެއްހާ ދުވަހު މި އަދަދު އެންމެ މަތިވި ވަގުތު 125,943 ކިލޯވޮޓަށް އަރާފައިވެއެވެ. މިކަމުން އެނގެނީ ޖައްވުގެ ހޫނުމިނާއި މީހުން އުޅޭ ވަގުތުތަކާ ކަރަންޓު ބޭނުންކުރާ މިންވަރާ ސީދާ ގުޅުމެއް އޮންނަ ކަމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0